Айналым қаражаттарын жіктеу, оның құрылу көздері
Нормаланатын айналым қаражаттарына кәсіпорындардың жоспарланатын меншікті қаражататтары, ол тауар материалдық құндылықтардың ең аз қосалқы қорларын жасау мен өндірістің үздіксіз жұмыс істеуін және өнімнің өткізілуін қамтамасыз ету үшін пайдаланылады.
Нормаланатын айналым қаражаттарына өндірістік қорлар, аяқталмаған өндіріс, болашақ кезеңдер мен дайын өнім жатады.
Дайын өнімнен басқа айналыс саласында жұмыс істейтін қаражаттар нормаланбайтындарға жатады, олар төлеу мерзімі басталмаған жөнелтілген тауарларға, сатып алушылар мерзімінде төлемеген жөнелтілген тауарларға, банктегі есеп айырысу шотындағы кассадағы есепайырысудағы қаражат.
Құралу көздері бойынша айналым қаражаттары меншікті қарыз және сырттан тартылған болып жіктеледі.
Меншікті капитал кәсіпорынның міндеттемелері шегеріліп тасталғаннан кейінгі активтер. Оларға жарғылық, сақтық қорлары, бөлінбеген капитал жатады.
Жарғылық қор құрылатын кәсіпорынның активтеріне құрылтайшылар салған салымдардың құны, яғни оның капиталының бастапқы сомасы кәсіпорынның жарғысында айқындалады.
Қарыз қаражаты кәсіпорын банктен қысқа мерзімі несие тәртібімен алған айналым қаражаттарының бөлігі.
Тартылған қаражатқа кәсіпорынға тиесілі емес, бірақ оның уақытша иелігіндегі ақшалай қаражат жатады. Оған кредиторлық берешектің барлық түрлері кіреді.
