TOPREFERAT.COM.KZ - Қазақша рефераттар

войти на сайт

вход на сайт

Логин: :
Пароль :

Забыл пароль Регистрация

Болашақта елдің азық-түлік қауіпсізідігін нығайту жолдары




Болашақта елдің азық-түлік қауіпсізідігін нығайту жолдары
0
Раздел: Экономика | Автор: Админ | Дата: 8-10-2015, 19:00
Загрузок: 293




Агроөнеркәсiптiк кешендi дамыту нарыққа бағдарланған экономиканың заңдылықтарына сәйкес жүргiзiлетiн болады, сондықтан өндiрiс тиiмдiлiгiнiң, отандық тамақ өнiмдерiнiң бәсекеге қабiлеттiлiгiнiң, олардың сапасының халықаралық талаптарға сәйкестiгiнiң көрсеткiштерi басым болуы тиiс.


Агроөнеркәсiптiк кешеннiң жұмыс iстеу ерекшелiгi, азық-түлiктiк қауiпсiздiктi қамтамасыз ету экономиканың басқа салаларына қарағанда, мемлекеттiк реттеу және мемлекеттiк қолдау үлкен рөл атқаруы тиiс осындай аграрлық азық-түлiк саясатын жүргiзудi талап етедi.


Халықтың тамақ өнiмдерiмен жалпы қамтамасыз етiлгендiгiн және бұл жүйенiң тұрақтылығын сипаттай келiп, мынадай қорытындылар жасауға болады:

азық-түлік рыногы, тұтастай алғанда, негiзгi тамақ өнiмдерiн тұтынудың, ұлттық стандартын қамтамасыз етiп отыр;


қатер төнген жағдайда негiзгi тамақ өнiмдерiмен қамтамасыз ету жүйесi қалыптастырылды;

тамақ өнiмдерiне халықтың экономикалық қол жетiмдiлiгі, тұтастай алғанда халықтың кiрiстерi деңгейiмен қамтамасыз етiлгенмен, әлеуметтiк топтар мен аумақтар бойынша бiркелкi емес;


азық-түлiк импорты көлемiнiң өсуiне, оның сапа стандарттарына сәйкессiздiгiне қарай азық-түлiктiк қауiпсiздiктi қамтамасыз ету жүйесi тұрақты емес.


Сондықтан келесідегідей шаралар ұсынамыз: [31]


жан басына шаққанда, сондай-ақ жынысы мен жасына қарай жекелеген топтарға орташа есептелген тамақ өнiмiнiң бүкiл қажеттi номенклатурасы бойынша тұтынудың ұлттық стандарттарын бекiту;


халықтың кедейлiк жағдайын жеңiлдету үшiн мыналар негiзгi басымдықтар болуға тиiс: олардың даму деңгейiн теңестiруге бағытталған аймақтық саясат жүргiзу, экономика салаларының, оның iшiнде ауыл шаруашылығының одан әрі экономикалық өсуiн қамтамасыз ету, кедей халықтың (әсiресе ауылда) еңбек әлеуетiн iске асыру үшiн мемлекеттiң жағдай жасауы, халықтың әлеуметтiк осал топтарына әлеуметтiк көмек көрсетудiң атаулылығын күшейту;


облыс әкiмдерi тұтынудың ұлттық стандарттарына негiзделiп есептелген ең төменгi тұтыну себетiнiң мониторингiн жүргiзуi қажет;


тамақтануға экономикалық қол жеткiзу үшiн халықтың барлық топтары кiрiстерiнiң деңгейiн тұтынудың ұлттық стандарттары негiзiнде есептелген тұтыну себеттерiнiң ең төменгi құнымен теңдестiрудi қамтамасыз ету;

тамақ өнiмдерiнiң сапасын бақылау жүйесiн әзiрлеу және оны халықаралық стандарттарға көшiру;


азық-түлiктiк қауiпсiздiктi қамтамасыз етудiң мониторингiн жүзеге асыру;

индикативтiк жоспарды әзiрлеу кезiнде азық-түлiктiк қауiпсiздiктi қамтамасыз етудiң негiзiн құрайтын ауыл шаруашылығы өнiмiнiң және оны қайта өңдеудiң ҚРбiр түрi бойынша өндiрiстiң көрсеткiштерiн есепке алу;

мемлекеттiк азық-түлiк запастарын қалыптастыру, сақтау және пайдалану жүйесiн оңтайландыру;


материалдық резервтердi мемлекеттiк сатып алу мен сақтаудың уақтылы бюджеттiк қаржыландырылуын қамтамасыз ету;


отандық тауарлардың бәсекеге қабiлеттiлiгiн арттыру және орынды қолдаудың мемлекеттiк саясатын жүргiзу негiзiнде ішкі азық-түлiк рыногының импортқа тәуелдiлігін төмендету жөнiндегi шараларды жүзеге асыру;

негізгі тамақ өнімдерінің ішкі өндірісінің көлемін тұтыну стандарттарына сәйкес шекті мәннен кем болмайтындай етіп қамтамасыз ету. /72/


Дамыған агроөнеркәсіптік кешен – бұл біздің еліміздің азық-түлік қауіпсіздігінің кепілі. Әлемде азық-түлікке деген сұраныстың өсуін ескере отырып, агроөнеркәсіптік кешенді дамытуымыз қажет. Ол үшін ауылшаруашылығының келесі бағыттары дамытылуы керек:


— Жер қатынастарын дамыту шаралары:


ауыл шаруашылығы мақсатындағы жерлерге жеке меншiктi енгiзу жөнiндегi заңнамалық акт қабылдау;


ауыл шаруашылығы жерлерiнiң құнарлылығын сақтау және арттыру мақсатында жердi тиiмдi пайдаланбағаны үшiн жауапкершiлiктi күшейту;

жердi бөлудiң қолданылып жүрген заңнамаға сәйкестiгiне тексерiс жүргiзу.


Жер телiмдерiнiң бағалау құнын анықтаудың әдiстемесiн жетiлдiру — барлық аймақтарда бонитеттi бағалаудың 4 турын өткiзу, ел экономикасының жай-күйiн ескере отырып, топырақтың типтерi мен iшкi типтерiн капиталға айналдыру ставкасын саралау;


жердi кепiлге беру арқылы кредит берудiң ипотекалық нысанын және кредит тетiгi арқылы жер пайдалану құқығын пайдалана отырып аграрлық секторда қаржы-кредит қатынастарын жетiлдiру.


— Өсімдік шаруашылығын дамыту жөніндегі шаралар:


ауыл шаруашылығы дақылдарының рентабельдi түрлерiнiң алқаптарын әсiресе солтүстiк аймақтарда ұлғайту, сондай-ақ жемiс-жидек пен жүзiмдiк алқаптарын (бұршақ тұқымдастар, жарма, майлы дақылдар, техникалық және жемдiк дәндi дақылдар, қатты бидай сорттары, сыра қайнатуға арналған арпа);

егiс алқаптарының құрылымы аймақтардың табиғи-климаттық жағдайларына бейiмделуі керек:


күзгi бидай мен күздiк қарабидай алқаптарын Қазақстанның батыс аймағында ұлғайту (Ақтөбе және Батыс Қазақстан облыстары);

қатты бидай алқаптарын Ақмола, Қостанай және Солтүстiк Қазақстан облыстарында ұлғайту;


жемдiк дәндi дақылдар мен дәндi бұршақ тұқымдас дақылдар алқаптарын Ақмола және Солтүстiк Қазақстан облыстарында ұлғайтылады;

жарма және майлы дақылдардың алқаптарын Шығыс Қазақстан және Павлодар облыстарында кеңейту;


дәндiк жүгерi, қытайбұршақ және қант қызылшасының алқаптарын Алматы және Жамбыл облыстарында ұлғайту;


мақсыр алқаптарын Оңтүстiк Қазақстан облысында ұлғайту;

рентабельдi дақылдардың тұқымын өндiрудi қолдау;

қант қызылшасы мен картоп өндiрудi қолдау;


рентабельдiлiгi жоғары ауыл шаруашылығы дақылдарын қайта өңдейтiн кәсiпорындардың қуатын ұлғайту (қытайбұршақ және басқаларын қайта өңдейтiн зауыттың екiншi кезегiнiң құрылысын салу және iске қосу);

жемшөптiк дақылдарды өткiзу рыноктарын қамтамасыз ететiн, мал шаруашылығы және құс шаруашылығы бағытындағы мамандандырылған өндiрiстер құру.


— Өсiмдiктердi қорғау шаралары:


«Фитосанитария» РМК-ның функцияларын нақтылай отырып, барлық өсiмдiктер зиянкестерiнiң, ауруларының және арамшөптердiң көбеюi мен таралуын бақылауды, есебiн жүргiзудi және болжауды жүзеге асыру үшiн облыстарда филиалдары бар және аудандарда болжау пункттерi бар республикалық фитосанитариялық диагностика әдiстемелiк орталығын құру;

аса қауiптi өсiмдiктер зиянкестерi мен ауруларын анықтауға арналған фитосанитариялық бақылаудың объектiлерiн қажеттi зерттеудi жүзеге асыру;

аса қауiптi өсiмдiктер зиянкестерi мен ауруларына қарсы күрес жөнiндегi фитосанитариялық iс-шаралардың бүкiл кешенiн толық көлемде жүргiзу;

республикамыздың жоғарғы оқу орындарында «Өсiмдiк қорғау» деген мамандық бойынша факультеттер ашу, сондай-ақ шетелдердегi оқу және ғылыми-зерттеу мекемелерiнде мамандардың бiлiктiлiгiн арттыру.


— Мал шаруашылығын дамыту шаралары: [32]


асыл тұқымдық өнiм өндiру көп шығынды талап етедi. Ауыл шаруашылығы тауарын өндiрушiлердiң басым бөлiгiнiң асыл тұқымдық өнiмге қол жеткiзуiн мемлекет қамтамасыз етуi тиiс. Бұл үшiн мынадай:

өткiзiлген асыл тұқымды төлдi жартылай (50%-ға дейiн) арзандату;

өткiзiлген асыл тұқымды жұмыртқаны жартылай (50%-ға дейiн) арзандату;

өткiзiлген асыл тұқымды бұқаның ұрығын жартылай (50%-ға дейiн) арзандату;

асыл тұқымды бұқаларды сатып алуға және өсiруге, сондай-ақ олардың ұрықтарын сақтауға және мал шаруашылығы бойынша асыл тұқымдық орталық үшiн арнайы құрал-жабдық сатып алуға жұмсалған шығынды толық өтеу;

асыл тұқымды малдың саны аз немесе жойылып бара жатқан түрлерi мен селекциялық-генетикалық орталықтарда коллекциялық табындар құру үшiн сатып алынған арнайы технологиялық жабдықтардың құнын толық өтеу бағыттарын қаражаттандыру қажет.


— Сүтті және етті мал шаруашылығын дамыту шаралары:


1. Сүт өндiру бойынша:


iрi қалалар мен аудан орталықтарының маңайындағы аймақтарда сүт өндiруді өнiмiнiң сапалы болуына және оны iшкi рынокқа шығаруға бағыттау. Осы мақсатта мал тұқымын асылдандыру орталығының тұқым жақсартқыш бұқаларының ұрығымен сиырларды қолдан ұрықтандыруды кеңiнен енгiзу арқылы асыл тұқымды емес малды жоғары өнiмдi малдармен алмастыруды жүргiзу.

2. Сиыр етiн өндiру бойынша:


сиыр етiн өндiрудi аз шығынды технологияға бағдарлау, яғни iшкi және сыртқы рыноктардың сыйымдылығын ескерiп, малдың арнайы етті тұқымдарын және табиғи жайылымдық алқаптардың экологиялық мүмкiндiктерiн мейлiнше тиiмдi пайдалану.


3. Қой шаруашылығы бойынша:


қойдың арнайы майлы-еттi және қаракөл тұқымдарын өсiрудi тiрілей немесе жас тоқтының етi түрiнде экспортқа бағдарланған, сондай-ақ сыртқы рынокқа бағытталған меринос жүнiн өндiру үшiн арнайы биязы жүндi қойдың тұқымдарын көбейту. /73/


4. Шошқа шаруашылығы бойынша: iшкi рынокқа бағытталған, арнайы шаруашылықтарды бiртіндеп дамытуға бағдарланған шошқа етiнiң өндiрiсi.

5. Жылқы шаруашылығы бойынша: арнайы жылқы тұқымдарының отандық селекциялары мен жайылымдық алқаптарды пайдалануды ескерiп, ішкі рыноктың ет пен қымызға қажеттiгiн қамтамасыз етуге, сондай-ақ асыл тұқымды спорттық жылқы шаруашылығын дамытуға бағыттау.


6. Түйе шаруашылығы бойынша: бұл малдың өнiмдерiн өндiруге (ет пен шұбат) сұраныстың шектеулi болуына байланысты ең алдымен iшкi рынокқа және асыл тұқымды түйе шаруашылығын дамытуға бағыттау.

7. Құс шаруашылығы бойынша: құс етi мен жұмыртқа өндiрудi iшкi рыноктың сұранысын қанағаттандыруға және импортты ығыстырып шығаруға бағыттау. Бұл саланы дамыту үшiн «Астана құс» базасында ет бағытындағы құстың тұқымын асылдандыру базасын қалпына келтiру жөнiндегi жұмысты жалғастыру және арнайы аталық iздердiң базасында жұмыртқа өндiрiсiн құс шаруашылығы бойынша қалпына келтiру жұмысын бастау.


Мал шаруашылығы саласындағы аймақтық саясаттың негiзгi бағыттары:

Орталық аймақ (Атырау, Қарағанды, Маңғыстау облыстары, Ақтөбе, Қостанай, Батыс Қазақстан, Ақмола және Шығыс Қазақстан облыстарының оңтүстiк бөлiгi). Еттi мал шаруашылығы, еттi-майлы қой шаруашылығы және өнiмдi жылқы шаруашылығы басым бағыттар деп танылды;

Оңтүстік аймақ (Алматы, Жамбыл, Оңтүстiк Қазақстан, Қызылорда облыстары). Бұл аймақта сүттi мал шаруашылығы, биязы жүндi қой шаруашылығы және қаракөл елтiрiсi шаруашылығы басым бағыттар болып табылады;

Солтүстiк аймақ (Солтүстiк Қазақстан, Павлодар облыстары және Ақмола, Қостанай, Шығыс Қазақстан облыстарының солтүстiк аймақтары). Аймақ негiзiнен сүттi мал шаруашылығын, биязы жүндi қой шаруашылығын дамытуға бағдарланған.


— Ветеринария


Малдардың өте қауіпті ауруларын жою бойынша шаралар:


жыл сайынғы жоспарлы ветеринариялық — алдын алу эпизоотияға қарсы және ветеринариялық-диагностикалық iс-шараларды толық көлемiнде жүргiзу үшiн қаржыны уақытылы бөлу;


ветеринариялық биологиялық және фармацевтикалық өнеркәсiптi дамыту, өндiрiсi жолға қойылмаған ветеринариялық биологиялық препараттарды, антипаразиттiк және дезинфекциялық құралдарды, антибиотиктердi, дәрілік фармакологиялық препараттарды өндiрудiң жоғары технологияларын енгізу;

ауылдық және кенттiк аймақтар үшiн ветеринариялық инспекторлардың санын республикалық бюджет есебiнен 2319 бiрлiкке дейiн жеткiзу, бұл үшiн ветинспекторлардың 999 бiрлiгiн ұстауға республикалық бюджеттен қосымша қаржыландыру талап етiледi;


бүгiнде эпиозоотиялық жағдай ауыл шаруашылығы малдарының ең кемiнде 80%-ы ауыл шаруашылығы малдарының жұқпалы ауруларына қарсы мiндеттi түрде иммунделуiн және бүкiл мал басы аса қауiптi жұқпалы ауруларға қарсы диагностикалық зерттелуiн талап етедi;


ветеринариялық-фитосанитариялық постылар мен бекеттердi өздерiнiң қызметiн мемлекеттiк шекарада жүзеге асыратын мемлекеттiк басқа бақылаушы органдармен бiрге бiрыңғай кешендi терминалдарда орналастыру туралы мәселенi түбегейлi шешу және оларды байланыс құралдарымен, iс ұйымдастыру техникасымен, көлiкпен және құрал-жабдықпен қамтамасыз ету;

ветеринариялық зертханаларды техникалық жарақтандыру үшiн 806546,5 мың теңге сомасына, ДҮниежүзiлiк сауда ұйымының (ДСҰ) талаптарына сәйкес келетiн қазiргi заманғы құрал-жабдықтар мен аппаратура сатып алу қажет;

тиiстi лицензия алмаған, арнайы белгiленбеген орындарда мал союға тыйым салатын заңнамалық норма енгiзу арқылы мал союдың ұйымдастырылуын ретке келтiру;


Қазақстан Республикасының ДҮниежүзiлiк Сауда Ұйымының (ДСҰ) талаптарына сай болуы мақсатында отандық ветеринариялық нормалар мен стандарттарды халықаралық ветеринариялық нормативтермен үйлестiру.


— Бәсекеге қабiлеттiлiктiң өсуi және сату көлемiн ұлғайту шаралары:


бидай, мақта, күрiш — сыртқы рыноктарды кеңейтудi, iшкi тұтыну үшiн дендеп өңдеудің көлемiн және қайта өңделген өнiм экспортының көлемiн ұлғайтуды көздеу қажет;


күнбағыс тұқымы, картоп, көкөнiс, сүт, жұмыртқа — тарифтiк қорғаныс деңгейiн күшейтудi талап етедi, мұның өзi iшкi өндiрiстiң көлемiн ұлғайтуға және ұқсас импорттарды ығыстырып шығаруға мүмкiндiк бередi;


қант қызылшасы, сиыр етi, қой етi, жылқы еті, шошқа етi, құс етi, жүн — озық технологияларды енгiзу арқылы өндiрiс шығындарын азайтуды қажет етедi. Ауыл шаруашылығы өнiмiнiң бұл түрi өңдеу өнеркәсiбi үшiн шикiзат ретінде сұранысқа ие. Азық-түлiктiк топқа жататын қайта өңдеу өнiмдерi тиiмдi болып табылады және iшкi және сыртқы рыноктарда көбiрек сұранысқа ие.


— Қайта өңдеу өнімдерін дамыту шаралары:


қоюландырылған және құнарландырылған сүт, сары май, балмұздақ, шұжық өнiмдерi, ет және ет-өсiмдiк консервiлерi, ашытқылар, кетчуп және басқа томат соустары, майонез, джемдер, конфитюрлер, повидло — жеке тұлғалардан шикiзат сатып алғанда есепке жатқызылмайтын ҚҚС сомасының өтелуiн қарастыру қажет*. Ұқсатушы өнеркәсiптiң кәсiпорындарына жеңiлдiк кредитiн беру арқылы, халықаралық стандарттардың талаптарына жауап беретiн дайындау пункттерiнiң дамуын ынталандыру;


өсiмдiк (күнбағыс) майы, маргарин өнiмi, ақ қант, какао мен қанттан жасалған кондитерлiк тағамдар, печенье, кондитерлiк тағамдар, пирожныйлар, табиғи шырындар, табиғи жүзiм шараптары — тарифтiк қорғау деңгейiн арттыруды, ИСО-9000 халықаралық стандарттарына көшу арқылы шығарылатын өнiмнiң сапасын жақсартуды талап етедi;


ашымалы сүт өнiмдерi, қаймақ, сыр және брынза, консервiленген көкөнiстер, қант қосылмаған су, құрамында қант қоспасы бар су, макарон өнiмдерi, солод сырасы, көбiктi шымырлайтын шарап — шығарылатын өнiмнiң сапасын одан әрі жақсартуды және ассортиментiн кеңейтудi талап етедi. Салық жеңiлдiктерi мен ұзақ мерзiмдi, жайлы кредиттер беру есебiнен азық-түлiк тауарларының бұл тобын экспортқа сатуды ынталандыру;


бидай ұны — жеңiлдік кредитiн беру, құрал-жабдықтар лизингi арқылы экспортқа бағытталған түпкiлiктi өнiм өндiрудiң көлемiн ұлғайту (нан-тоқаш бұйымдары, макарон бұйымдары, жарма және т.б.).


Бәсекеге қабiлеттiлiк жөнiндегi жалпы қорытындылар:


ауыл шаруашылығы өнiмдерiнiң жекелеген түрлерiнiң өзiндiк құны мен рыноктағы бағаның арақатынасына жасалған талдау ауыл шаруашылығы шикiзатын дайындаудың және сатып алудың тиiмдi жүйесi жоқ екенiн көрсетедi, бұл ескiрген ұқсату технологиясымен қатар отандық тағам өнiмдерi бәсекелестiгi төмендiгiнiң бiр факторы болып табылады;


шикiзат базасының өсуi және ауыл шаруашылығы тауарының бәсекеге қабiлеттiлiгi ұқсату көлемiнiң өсiмi үшiн әзiрге анықтаушы фактор болып табылмайды;

отандық өнiмнiң бәсекеге қабiлеттiлiгiнiң төмендiгi қолданылып жүрген стандарттардың ИСО-9000, 14000 халықаралық стандарттарға сай болмауына байланысты;

аграрлық сектордағы ақпараттық-маркетингтiк жүйенiң жетiлмеуi ауыл шаруашылығы тауарын өндiрушiлердiң ауыл шаруашылығы және азық-түлiк рыноктарының жай-күйi туралы жедел ақпаратқа қол жеткiзуiн шектейдi. Ауылда консультативтiк және консальттiк қызметтер жүйесiнiң болмауы да ауыл шаруашылығы өнiмiнiң және ұқсатылған өнiмнiң бәсекеге қабiлеттiлiгiн төмендететiн фактор болып табылады.


— Республиканың ішкі рыногының сыйымдылығын арттыру шаралары:


ұқсатушы кәсiпорындарға құрал-жабдықтар сатып алуға және лизинг бойынша пайыздық ставканы өтеуге арналған лизинг тетiктерiн енгiзу есебiнен кәсiпорындарды қайта жарақтандыру және жаңғырту;


ауыл шаруашылығы өнiмдерiн дайындау жүйесiн, әсiресе шалғай аудандарда дамыту, өзiнiң базасы бар жоғарыдан төмен қарай интеграцияланған өндiрiстер құру;


өндiрiстiң техникалық және технологиялық стандарттары мен ауыл шаруашылығы өнiмдерi мен оны қайта өңдеу халықаралық талаптарға сәйкестендiру;

кредиттiк пайыздық ставкасын арзандату арқылы айналымдағы қаражатты толықтыруға арналған кредиттiк ресурстарға қол жеткiзудi қамтамасыз ету.


— Қайта өңдеушi ауыл шаруашылығы өнеркәсiбi кәсiпорындарын аймақтық

дамытудың негiзгi бағыттары: [33]


Жаңа өндiрiстер құру елеулi қаржы ресурстарын жұмсауды қажет ететiндiгiн назарға ала отырып, басым өндiрiстердi қалпына келтiру негiзiнен қолда бар өндiрiстiк қуаттардың базасында қамтамасыз етiлетiн болады:

қоюландырылған және құнарландырылған сүт пен құрғақ сүт қоспаларын өндiрудi мемлекеттiк басымды қолдауға тек бұл өндiрiстердiң қуатын толық қамтамасыз ететiн сүт ресурсы жеткiлiктi аймақтарда ғана жол берiледi. Қазiргi уақытта мұндай талаптарға Солтүстiк Қазақстан, Павлодар, Алматы, Қостанай облыстары сай келедi;


Атырау, Маңғыстау облыстарында құрғақ сүт негiзiнде қаймағы алынбаған сүт өнiмiн өндiрудi дамыту қажет;


ет консервiлерiн өндiру бұл үшiн ресурстары жеткiлiктi аймақтарда басым болуы керек, олар — Алматы, Батыс Қазақстан, Қостанай, Солтүстiк Қазақстан, Павлодар облыстары, сондай-ақ ет және ет-өсiмдiк консервiлерiн өндiру жөнiнде қуаттар бар Ақтөбе және Шығыс Қазақстан облыстары;

балалар тағамдары — Алматы, Оңтүстiк Қазақстан, Павлодар облыстарында;

жүн өңдеудi қамтамасыз ету үшiн Шығыс Қазақстан, Жамбыл облыстарындағы жүндi бастапқы өңдейтiн кәсiпорындарды қалпына келтiру қажет;

Тараз, Петропавл, Орал, Семей қалаларындағы қолда бар өндiрiстiк қуаттардың негiзiнде былғары өндiрiсiн қалпына келтiру және дамыту қажет;

көкөнiс пен жемiстердi өңдеудi, бастапқы шарап жасауды қалпына келтiру және дамыту жемiс-көкөнiс дақылдары, жидек, жүзiм өндiрiсi дамыған аймақтарда, яғни Алматы, Оңтүстiк Қазақстан және Жамбыл облыстарында басым. Картоп өңдеу Алматы және Солтүстiк Қазақстан облыстарында басым;

жаңадан ашылған өндiрiстердiң қара күрiшке, майлы дақылдардың дәндерiне, шитi мақтаға қажеттiлiктi қамтамасыз ету жөнiнде қолайлы мүмкiндiктер бар. Өсiмдiк майын өндiру Шығыс Қазақстан, Оңтүстiк Қазақстан облыстарында, Алматы қаласында басым;


қант өндiру бойынша Алматы және Жамбыл облыстары басым болып табылады.


— Көтерме сауда мен биржа қызметiн дамыту шаралары:


көтерме сауда рыноктарының толыққанды жұмыс iстеуi және дамуы, қызмет көрсету сапасының жақсаруы, өткiзiлетiн тауарлардың сапасына тиiмдi бақылау орнату үшiн көтерме сауда жөнiндегi жұмысты лицензиялау қажет. Көтерме рыноктардың жұмыс iстеуiне лицензиялауды енгiзу көтерме рыноктарды ұйымдастыруға және олардың негiзгi мiндеттерiн орындауға деген талаптарды арттырады, лицензиялау кезiндегi талап қою санитарлық-гигиеналық нормалардың сақталуын, аумақтарды көркейтудi, материалдарды сақтау, орау және т.б. жөнiндегi жабдықтарды сатып алуды ынталандыратын болады, ауыл шаруашылығы өнiмдерiн өндiрудiң, ұқсатудың және өткiзудiң вертикалды интеграцияланған құрылымдарын қалыптастыруға ықпал етедi;

көлеңкелi рыноктарды және саудадан бюджетке түсетiн алымдарды заңдастыру мақсатында рыноктарды паспорттауды жүргiзу;


— Мемлекеттiк қолдау шараларын ұтымды ету


Аграрлық азық-түлiк кешенiн мемлекеттiк қолдау деңгейiн бағалау


Мемлекеттiк қолдау шаралары реттеуші сипатта болады және салааралық ала-құлалықты теңестiруге бағытталған. Оның деңгейi агрокешенде маусымдылығы мен өндiрiстiк циклдiң ұзаққа созылатындығына, табиғи-климаттық факторларға, экономиканың басқа салаларымен ауыл шаруашылығының тауар алмасудағы баламасыз болуына, халықтың сатып алу қабiлетiнiң төмендігіне байланысты шын мәнiнде төмендеп кеткен.

Республикада мемлекеттік қолдау шаралары жалпы сипаттағы және арнаулы шаралар болып бөлiнедi:


жалпы сипаттағы шаралар дегеніміз — жануарлар мен өсімдіктердің ерекше қауіптi ауруларының диагностикасын, мониторингін және оларға қарсы күресті, карантинге жататын өнімдерге зертханалық және фитосанитариялық талдау жасауды, ауыл шаруашылық дақылдарының сорттарын сынақтан өткізуді, суармалы жердiң мелиорациялық жай-күйін бағалауды, мемлекеттік резервтегі астықтың сақталуын, элиталық тұқым шаруашылығы мен мал тұқымын асылдандыру iсiн сақтауды және дамытуды мемлекеттiк қаржыландыру, минералдық тыңайтқыштарды сатып алуға субсидия беру, агроөнеркәсiптік кешеннiң ақпараттық жүйесiн жасау және дамыту, қолданбалы ғылыми зерттеулер жүргізу. Жалпы шараларға ауыл шаруашылық тауарын өндірушiлерге жеңілдікпен салық салуды (заңды тұлғалар үшiн патенттi және шаруалар (фермер) қожалықтары үшiн бiрыңғай жер салығын), бюджеттік борыштарды өтеу мерзiмiн ұзартуды да жатқызуға болады;


нақтылы салалар мен өндірістерді қолдауға бағытталған арнаулы шаралар, олар, әдетте, өтеулi сипатта болады және қаржы жөнiнен рыноктың тұрақты шаруашылық жүргізуші субъектілеріне берiледi: мемлекеттік ресурстарға астық сатып алу, ауыл шаруашылық техникасы лизингiсiне кредит беру, көктемгі-егіс және егін жинау жұмыстарын жүргізуге жергілікті бюджеттен кредит беру, ауылдық кредит серіктестіктері жүйесіне кредит беру, сыртқы заемдарды тарту арқылы мемлекеттің кредит беруi, экспорттық-импорттық режимді реттеу кезіндегі тариф саясаты.


Егер ауыл шаруашылығы өнiмдерiн өндiру бойынша мемлекеттiк қолдаудың қандайда бiр жүйесi болса, өнiмдердi ұқсатуға қатысты ол осы уақытқа дейiн қалыптастырылмаған. Импорт алмастыру бағдарламасында тамақ өнiмдерiн өндiруге тиiсiнше назар аударылмаған.





Написать комментарий
Имя:*
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите код: *


Бұл сайтта Қазақстанның түкпір-түкпірінен жиналған қазақ тіліндегі рефераттар мен курстық және дипломдық жұмыстар ұсынылған. Қазіргі таңда www.topreferat.com.kz сайтының қазақ тіліндегі жұмыстар базасы бүкіл интернеттегі ең үлкен база болып табылады! Біздің базадағы жұмыстар саны 15000-нан асады. Біз бұл жетістікпен тоқтап қалмаймыз! Біз базамызды одан әрі толықтырамыз.
» » Болашақта елдің азық-түлік қауіпсізідігін нығайту жолдары

© 2011-2016 Скачать бесплатно на topreferat.com.kz курсовые, дипломные и рефераты на телефон, на планшет и на компьютер.
При копировании материала активная ссылка на источник обязательна.


Мнение посетителей:
 

После 9 класса Вы:

Пойду в 10, 11, закончу школу полностью
Пойду в Колледж
Пойду в ПТУ
Пойду работать
Снова пойду в 9 класс

 
 
Похожие:
  • Халықтың азық-түлік қауіпсізідігін қамтамасыз ету бойынша елде атқарылып жа ...
  • Қазақстан Республикасындағы азық-түлік қауіпсіздігін қамтамасыз ету мәселел ...
  • Агроөнеркәсіптік кешенін техникалық жарақтандыру
  • Машина-трактор паркінің қазіргі кездегі жағдайы
  • Машина-трактор паркін лизинг есебінен жаңарту
  • Өсімдік шаруашылығы
  • Қазақстан Республикасы Ішкі Істер Министрлігінің Әкімшілік полиция комитеті ...
  • Қорғаныс қажеттерiне арналған жер
  • Жердi ерекше шарттармен пайдалану аймақтары
  • Акционерлік қоғамның қаржылық жұмысын бағалау
  • Қазақстан Республикасының «Ветеринария туралы заңы»
  • Ауыл шаруашылығының ұғымы
  • Ауыл шаруашылығын дамыту саясаты
  • Ауыл шаруашылығын дамыту саясаты және Солтүстік Қазақстан облысының ауыл ша ...
  • ҚазТрансОйл
  • Газ саласының қазіргі жай-күйі курстық жұмыс
  • Ауылшаруашылық жерлерінің құқықтық тәртібі реферат
  • Дүниежүзілік шаруашылық реферат
  • Дүние жүзінің ауыл шаруашылық географиясы реферат
  • Ауыл шаруашылығы реферат