Өсімдік шаруашылығы
Облыстық ауыл шаруашылығы басқармаларының болжамдық деректері бойынша 2010 жылы ауыл шаруашылық дақылдардың егіс алқабы 22,1 млн. га құрайды, бұл 2009 жылғы деңгейден 649,5 мың га артық.
Астық дақылдары 17 363,5 мың га, бұл 2009 жылғы деңгейден 154,7 мың га артық, оның ішінде бидай – 14 868,6 мың га, майлы дақылдар – 1375,6 мың га, дәндік жүгері – 104,2 мың га, күріш – 88,1 мың га, жемдік дақылдар – 2804,4 мың га.
Ішкі нарықта шикізат ретінде жетіспейтін дақылдардың егіс алқабын ұлғайту көзделген. Жекелей алғанда 2009 жылмен салыстырғанда майлы дақылдардың егіс алқабы 190,3 мың га, күріш – 1,6 мың га, картоп – 4,3 мың га, қант қызылшасы – 5,7 мың га, жеміс-жидек дақылдары – 3,5 мың га, жүзім – 2,2 мың га, көкөніс және бақша дақылдары – 9,2 мың га өсті.
Сонымен қоса мақтаның егіс алқабы 5,2 мың га азайтылатыны күтілуде. Өндіріске қазіргі заманғы ылғау сақтау технологиялары енгізу бойынша жұмыстар жандандырылды. Олардың қолдану алаңы ағымдағы жылы 11,4 мың га құрады немесе өткен жылдан 0,9 млн га артық.
Тұқым шаруашылығы саласын дамытуға 2010 жылы үшін республикалық бюджеттен 2087,5 млрд. теңге бөлінді, бұл бірігей тұқым өндірісіне 10 мың тонна көлімінде кеткен шығынды қайтаруға, отандық ауылшартауарөндірушілері сатып алған 70 мың тоннаға элиталық тұқым және 2400 мың дана жеміс-жидек дақылдары мен жүзім көшеттерінің бағасы ішінара арзандатуға, мүмкіндік береді, сондай-ак 13,6 гектарға жеміс-жидек дақылдары мен жүзімнің көп жылдық екпелерінің аналықтарын салу және көрсетілген дақылдардың 33,1 гектарға салынған аналықтарының аяқталмаған өндірісіне кеткен шығын толықтай қайтарылады.
2010 жылы ауыл шаруашылығы тауарын өндірушілердің жеміс-жидек дақылдарының және жүзімнің көп жылдық екпелерін өсіруге және күтуге кеткен шығындарды ішінара (40 %) өтеу үшін республикалық бюджеттен 2,1 млрд. теңге көлемінде қаражат бөлінген, оның есебінен жеміс-жидек дақылдарының екпелерін 2,2 мың га алқапта, жүзімді 1,0 мың га алқапта отырғызуды, сонымен қатар 2007-2009 жылдары отырғызылған екпелерді күтү жоспарланған.
Ауыл шаруашылығы тауарын өндірушілермен субсидияланған тыңайтқыштарды сатып алуға және олардың шығындарын өтеуге республикалық бюджеттен 5,0 млрд. теңге бөлінген. Ауыл шаруашылығы тауарын өндірушілермен субсидияланған тыңайтқыштарды шамасымен
180,0 мың тонна сатып алуға жоспарлануда.
2010 жылы көктемгі егіс және егін жинау жұмыстарын жүргізуге қажетті жанар-жағар май материалдары және басқа да тауарлық-материалдық құндылықтардың құнын арзандатуға 16,593 млрд. теңге бөлінді.