TOPREFERAT.COM.KZ - Қазақша рефераттар

войти на сайт

вход на сайт

Логин: :
Пароль :

Забыл пароль Регистрация

Консулдық құқық




Консулдық құқық
0
Раздел: Құқық | Автор: Админ | Дата: 1-10-2015, 12:00
Загрузок: 2171




Консулдық өкілдік және олардың функциялары.


/ Ю.М.Колосов бойынша: /


Мемлекеттер арасында консулдық қатынастар орнағанда консулдық мекеме ашылады. Ол үшін сол консулдық өз қызметін атқаратын мемлекеттің келісімі қажет. Консулдықты ашу жөніндегі келісімге өзара ортақ негізде қол жеткізіледі. Сонымен қатар, қабылдаушы мемлекетпен жасалатын шарт бойынша, консулдық округ анықталады; яғни, консулдық өз функцияларын қабылдаушы мемлекеттің осы ауданы шеңберінде жүзеге асырады. Келісімде, сонымен қатар, консулдық мекеменің класы да қарастырылады. Халықаралық тәжірибеде консулдық өкілдіктердің төрт класы қалыптасқан:


1) бас консулдық;


2) консулдық;


3) вице-консулдық;


4) консулдық агенттік.


Оларды сәйкесінше бас консул, консул, вице-консул және консулдық агент басқарады. Консулдық мекемелердің басшыларын жіберуші мемлекет өзі тағайындайды, ал оларға өз функцияларын атқару рұқсатын қабылдаушы мемлекет береді. Консулдың тағайындалуын және оның өкілеттіктерін куәландыратын құжат консулдық патент деп аталады (немесе соған ұқсас акт жасалады). Ол құжатта консулдың аты-жөні, класы, консулдық округі және консулдық мекеме орналасатын жер көрсетіледі. Кейбір елдерде бұл құжатқа мемлекет басшысы қол қойып (АҚШ, Франция, Германия т.б.), сыртқы істер министрі бекітеді. Ал басқа бір елдерде (мысалы Ресейде) консулдық патентке сыртқы істер министрі қол қояды. Әдетте, дипломатиялық каналдар арқылы консулдық патент қабылдаушы мемлекеттің үкіметіне (көбінесе Сыртқы істер министрлігіне) жіберіледі.


Консулдық мекеме басшысына өз функцияларын атқаруды бастауға қабылдаушы мемлекет тарапынан рұқсат беретін құжат экзекватура деп аталады. Ол жеке құжат түрінде болады, бірақ кейде патенттегі сәйкес келетін қосымша жазу түрінде де болуы мүмкін. Мемлекет экзекватура беруден бас тарта алады, ал бас тартудың себептерін хабарлауға міндетті емес.


Экзекватура берілгенге дейін (көбінесе бұл ұзақ уақыт алады) консулдық мекеме басшысына кейде уақытша өз қызметін жүргізе беруге рұқсат етіледі.


Консулдық мекеме басшысына қызметін бастауға рұқсат берілгені жайлы қабылдаушы мемлекет сол консулдық округтің билік өкілдеріне хабарлауға міндетті.


* Ал елшіліктегі консулдық бөлімнің басшысы патент пен экзекватураны қажет етпейді.


Екі немесе бірнеше мемлекет қабылдаушы мемлекеттің келісімімен консулдық өкілетті тұлға ретінде (сәйкесінше сол мемлекеттегі консулдық өкілдік басшысы ретінде) бір адамды тағайындай алады.


Консулдық лауазымды тұлғалар (соның ішінде консулдық басшысы) консулдық қызметкерлердің бір категориясына жатады (бұл категорияға кеңесші консул, консулдық хатшылар, консулдық атташелар, сынақ мерзімінен өтушілер жатады). Көптеген мемлекеттердің заңдарында консулдық лауазымды тұлғалар өкілдейтін мемлекетінің азаматтары болу керек екендігі қарастырылған. Ал қабылдаушы мемлекеттің азаматтары тек жіберуші мемлекеттің ерекше жағдайдағы келісімімен ғана тағайындала алады.


Консулдықта әкімшілік немесе техникалық міндеттерді атқарушы тұлғалар консулдық қызметкерлер деп аталады. Сонымен қатар, қызмет көрсетуші персонал жұмыскерлерінің категориясы да болады. Сипатталып өткен барлық консулдық персонал категорияларын біріктіретін ұғым ретінде Вена конвенциясында «консулдық мекеменің жұмыскерлері» деген түсінік қолданылады. Консулдық мекеме жұмыскерлерінің тағайындалуы, келуі мен қызметтен кетуі және олардың мәртебесіне әсер ететін басқа да өзгерістер туралы қабылдаушы мемлекетке хабарланып отыруы тиіс.


Берілген консулдық округта қызмет етуші консулдық мекемелер басшыларының жиынтығы консулдық корпусты құрайды, ол тек салтанатты функциялар ғана атқарады. Экзекватураның берілу күндері арқылы әрбір класста әр түрлі мемлекеттердің консулдық мекеме басшыларының арасында үлкендік анықталады.


Қабылдаушы мемлекет кез келген уақытта белгілі бір консулдық лауазымды тұлғаның persona non grata болып табылатындығы туралы жіберуші мемлекетті хабарландыра алады. Және өз шешімінің себептерін түсіндіруге міндетті емес. Жіберуші мемлекет, сәйкесінше, бұндай тұлғаны кері шақыртуы тиіс немесе консулдықтағы қызметін тоқтатуы керек.


Консулдық мекемесінің практикалық мәселелерін шешуде қабылдаушы мемлекеттің көмегі мен қолдауы маңызды орын алады. Ол, Вена конвенциясында айтылғандай, «консулдық мекеменің функцияларын атқаруға қажетті барлық мүмкіндіктерді» беруі тиіс. Әсіресе, ол өз заңдары мен ережелеріне сәйкес түрде жіберуші мемлекетке консулдыққа арналған ғимаратты алуына көмегін көрсетуі тиіс. Қажетті жағдайда ол консулдық мекемеге оның қызметкерлеріне қажетті тұрғын үйлерді алу мәселесінде де көмектесуге тиіс.


Консулдық функциялар. /И.И.Лукашук бойынша:/


Консулдықтың атқаратын негізгі функциялары:


Біріншіден, өз мемлекетінің және оның азаматтарының, сонымен қатар заңды тұлғаларының мүдделерін қорғау;


Екіншіден, достық қатынастардың дамуына ықпал ету, әсіресе, экономикалық, мәдени және ғылыми сипаттағы қатынастар.


Үшіншіден, консулдық қызмет саласындағы ақпарат, яғни, қызығушылық білдіретін азаматтар мен заңды тұлғаларға қажетті мәліметтерді беру.


Алғашқы екі негізгі функцияның нақты мазмұнын төмендегі функциялар ашады. Консулдар:


Консулдарға мемлекеттердің заң саласындағы ынтымақтастығында маңызды рөл тиесілі. Олар арқылы сотқа қатысты және өзге де құжаттар беріледі, консулдар сот тапсырмаларын немесе өз мемлекетінің соттары үшін түсінік, жауап (показание) алуға қатысты тапсырмаларды орындайды.


Консулдар өз мемлекетінің көлік құралдарына қатысты маңызды функцияларды атқарады. Олар өз мемлекетінің туы астында жүзетін кемелерге қатысты, сонымен қатар сол мемлекетте тіркелген ұшақтарға және олардың экипаждарына қатысты қадағалау мен инспекцияны жүзеге асырады. Консулдар осындай көмекті кемелер мен ұшақтарға көрсетеді, мысалы кемелердің құжаттарын тексеріп рәсімдейді, жолда болған кез келген оқиғаларға қатысты тергеу жүргізеді, капитан мен экипаж арасындағы дауларды шешіп реттейді.


Барлық консулдық функциялар қабылдаушы мемлекеттің заңдары мен өзге де ережелерінің шеңберінде, ал аумақтық тұрғыдан — консулдық округтың шеңберінде жүзеге асырылады. Әдетте, округтың шекаралары қабылдаушы мемлекеттің әкімшілік-аумақтық бірліктерінің шекараларымен сәйкес келеді, кейде теңіз портының шекараларымен немесе бүкіл мемлекеттің шекараларымен де сәйкес келуі мүмкін. Ал округтан тыс аумақта функцияларды іске асыруға тек қабылдаушы мемлекеттің өкілетті органдарының келісімімен ғана рұқсат етіледі.


Консулдық артықшылықтар мен иммунитеттер.


/И.И.Лукашук бойынша:/


Консулдық қатынастар туралы Вена конвенциясыда көрсетілгендей, иммунитеттер мен артықшылықтар белгілі бір тұлғалардың пайдасы үшін емес, консулдық мекеменің функцияларын тиімді түрде жүзеге асыруын қамтамасыз ету үшін беріледі. Өзінің барлық қызметінде консулдық мекеме қабылдаушы мемлекеттің құқығы шеңберінде әрекет етуге міндетті. Ал қабылдаушы мемлекет болса, консулдық функциялардың атқарылуына қажетті өз тарапынан барлық жағдайларды жасауға міндетті.


Консулдық иммунитеттер мекемеге толығымен және оның персоналына қатысты. Бірінші жағдайда олар қызметтік ғимараттардың қол сұқпаушылығымен түсіндіріледі. Жергілікті билік өкілдері оларға тек консулдың немесе дипломатиялық өкілдің рұқсатымен кіре алады. Бұндай рұқсат өрт жағдайында немесе өзге бір табиғи апат жағдайында беріледі. Барлық консулдық ғимараттар және олардың мүлкі, сонымен қатар, көліктері қоғамдық қажеттіліктер үшін жүргізілетін реквизициялардан иммунитетке ие. Консулдық мұрағаттар (дипломатиялық мұрағаттар сияқты деңгейде) қол сұқпаушылыққа ие.


Консулдық мемлекеттік туды және елтаңбаны пайдалана алады. Консулдық ғимараттар мен консулдық басшысының резиденциясы барлық салықтардан босатылады. Консулдық жұмыскерлер қабылдаушы мемлекеттің бүкіл аумағында еркін жүріп тұра алады. Консулдық мекеме ресми қатынастарында еркіндікке ие, яғни барлық байланыс құралдарын пайдалана алады, соның ішінде курьерлерді және шифрланған хабарламаларды қолдана алады.


Консулдық жіберуші мемлекетінің азаматтарымен еркін түрде қатынасады, сәйкесінше азаматтары да консулдықпен еркін қатынасады. Қабылдаушы мемлекеттің сәйкес органдары жіберуші мемлекет азаматтарының тұтқындалуы немесе ұсталуымен байланысты барлық жағдайларды уақытында консулдыққа хабарлауы керек.


Консулдар қамауға алынған азаматтарына (егер олар қарсы болмаса) барып шығуға құқылы. Консулдар өз азаматтарын заңды негізде өкілдеуді қамтамасыз ету бойынша шаралар қолдануға құқылы, бірақ өздері өкілдей алмайды.


Қабылдаушы мемлекеттің билік өкілдері жіберуші мемлекет азаматтарына қатысты өлім немесе асырап алу сияқты барлық жағдайлар туралы, сонымен қатар сол мемлекетте тіркелген кемелер мен ұшақтардың апаты жайлы консулдыққа хабарлап отыруы керек.


Консулдық тікелей консулдық округтың билік өкілдерімен қатынас жасайды, ал орталық билікпен өз елшілігі арқылы қатынасады. Бұдан өзгеше ереже жергілікті құқықпен немесе халықаралық шартпен орнатыла алады. Консулдық оның құзыретіне жататын актілердің жасалғаны үшін консулдық алымдарды жинауға құқылы. Алымдарға салық салынбайды.


Консулдық персоналының иммунитеті оның категориясына байланысты. (Консулдық лауазымды тұлғалар — консулдық функцияларды атқаратын тұлғалар. Консулдық қызметкерлер (служащие) — әкімшілік немесе техникалық міндеттерді атқаратын тұлғалар. Консулдықтың жұмыскерлері (работники) — қызмет көрсетуші персоналдың функцияларын атқарады).


Консулдық лауазымды тұлғалар жеке қол сұқпаушылыққа ие. Оларды тұтқындауға да, алдын ала қамауға алуға да болмайды. Ерекше жағдай ретінде тек аса ауыр қылмыстарды қарастыруға болады. Сондай жағдайлардың өзінде де жеке бас бостандығын шектеу тек күшіне енген сот үкімінің негізінде ғана мүмкін. Консулдық лауазымды тұлғаға қатысты қылмыстық істің қозғалуы жағдайында ол құзыретті органдарға баруы керек. Бұндай жағдайда және лауазымды тұлғаның ұсталуы жағдайында қабылдаушы мемлекеттің билік өкілдері шұғыл түрде консулдықты хабарландыру керек.


Мемлекеттер, әдетте, консулдық лауазымды тұлғаларға толық дипломатиялық иммунитет беретін екіжақты консулдық конвенциялар жасасады. Бұндай жағдайларда қылмыстық қудалау тек иммунитеттен бас тарту жағдайында ғана мүмкін.


Консулдар сияқты, консулдық қызметкерлер де қызметтік міндеттерін атқару кезінде жасалған әрекеттерге қатысты жергілікті юрисдикциядан иммунитетке ие. Бұл ереже көлік құралымен келтірілген залал үшін үшінші жақтың азаматтық талап ісіне (иск) қатысты қолданылмайды.


Консулдықтың персоналы куәгерлік түсініктеме беру үшін сотқа шақырылуы мүмкін. Консулдық қызметкерлер мен қызмет көрсетуші персонал түсініктеме беруден бас тарта алмайды. Егер түсініктеме беруден консулдық лауазымды тұлға бас тартса, оған мәжбүрлеу шаралары қолданылмау керек.


Консулдық лауазымды тұлғалар мен қызметкерлер және олардың отбасыларының мүшелері барлық салықтар мен алымдардан босатылады. Қызмет көрсетуші персонал жалақыға салынатын салықтардан босатылады. Консулдық лауазымды тұлғалар кедендік салықтардан және тексеруден босатылады. Лауазымды тұлғалардың жеке жүгі тек егер онда елге әкелуге немесе шығаруға тыйым салынған заттар бар деп есептеуге маңызды негіз болса ғана тексеріле алады. Бұндай тексеру тек консулдық лауазымды тұлғаның көзінше  жүргізілуі керек.


Мемлекет консулдық жұмыскердің иммунитеттерінен бас тарта алады. Сотта консулдық жұмыскер тарапынан азаматтық исктің көрсетілуі оны қарсы искқа қатысты иммунитетке жүгіну құқығынан айырады. Соттық иммунитеттен бас тарту сот шешіміне байланысты атқарушы әрекеттерге қатысты иммунитеттен бас тартуды білдірмейді.


Дипломатиялық өкілдіктер, консулдық мекемелер, сонымен қатар өзге де мемлекеттік органдар өкілдіктері жұмыскерлерінің еңбек қатынастары ішкі құқықпен реттеледі.


Штаттан тыс консул.


/ Ю.М.Колосов бойынша: /


Халықаралық тәжірибеде бұрыннан бері штаттық консулдардан басқа штаттан тыс (құрметті) консулдар категориясы да белгілі. Консулдық лауазымды тұлғалардың осы екі категорияға бөлінуі 1963 жылғы Вена конвенциясында бекітілген және құрметті консулдар мен олар басқаратын консулдық мекемелерге қатысты қолданылатын тәртіп те бөлек бір бөлімде реттелген. Конвенцияда құрметті консулдық лауазымдық тұлғалар институтының факультативті сипаты ерекше көрсетілген: әр мемлекет штаттан тыс консулды тағайындайтынын немесе қабылдайтынын еркін түрде шешеді.


Құрметті консул — бұл консулдық, дипломатиялық немесе өзге бір мемлекеттік қызметте тұрмайтын, бірақ жіберуші мемлекеттің тапсыруымен және қабылдаушы мемлекеттің келісімімен консулдық функцияларды атқаратын тұлға. Ол көбінесе қабылдаушы мемлекеттің азаматтығына ие.


Құрметті консулдар көбінесе саяси және іскер салаларда беделге ие жергілікті кәсіпкерлер мен өзге де қайраткерлерден тағайындалады. Олар тағайындаушы мемлекеттен жалақы алмайды, ал сыйақы ретінде консулдық әрекеттер үшін жиналатын алымдар жинағы есебінен бір бөлігін алады.


ҚР Консулдық жарғысына сәйкес, Қазақстан Республикасының Сыртқы iстер министрлiгi консулдық мекеме орналасқан мемлекетпен келiсiм бойынша жекелеген консулдық мiндеттердi орындауды құрметтi (штаттан тыс) консулдарға тапсыра алады. Қазақстан Республикасының азаматтары да, сондай-ақ шетелдiктер де құрметтi (штаттан тыс) консулдар бола алады. Құрметтi (штаттан тыс) консулдардың мiндеттерiн Қазақстан Республикасының Сыртқы iстер министрлiгi анықтайды. Құрметтi (штаттан тыс) консулдар Қазақстан Республикасының мемлекеттiк қызметiнде тұрмайды.


Қолданылған әдебиеттер:





Написать комментарий
Имя:*
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите код: *


Бұл сайтта Қазақстанның түкпір-түкпірінен жиналған қазақ тіліндегі рефераттар мен курстық және дипломдық жұмыстар ұсынылған. Қазіргі таңда www.topreferat.com.kz сайтының қазақ тіліндегі жұмыстар базасы бүкіл интернеттегі ең үлкен база болып табылады! Біздің базадағы жұмыстар саны 15000-нан асады. Біз бұл жетістікпен тоқтап қалмаймыз! Біз базамызды одан әрі толықтырамыз.
» » Консулдық құқық

© 2011-2016 Скачать бесплатно на topreferat.com.kz курсовые, дипломные и рефераты на телефон, на планшет и на компьютер.
При копировании материала активная ссылка на источник обязательна.


Мнение посетителей:
 

После 9 класса Вы:

Пойду в 10, 11, закончу школу полностью
Пойду в Колледж
Пойду в ПТУ
Пойду работать
Снова пойду в 9 класс

 
 
Похожие:
  • Халықаралық үкіметтік емес ұйымдардың түсінігі,жіктелуі және түрлері
  • Жедел іздестіру шаралары
  • Өсиеттерді куәландыру тәртібі, құпия өсиеттерді куәландыру
  • Консулдық қызметтің қалыптасуы және дамуы. Қазақстан консулдық қызметінің т ...
  • Наполеон диктатурасы
  • Қазақстан Республикасының сыртқы iстер министрлiгi және консулдық қызметi д ...
  • Дипломатиялық және консулдық құқық пәні диплом жұмысы
  • Франциядағы буржуазиялық революция кезеңіндегі мемлекет пен құқық курстық ж ...
  • Азаматтық құқық субъектісі курстық жұмыс
  • Франциядағы буржуазиялық революция 1 курстық жұмыс
  • Наполеон билігі кезіндегі Еуропа курстық жұмыс
  • Қорғаншылық пен қамқоршылық ұғымы курстық жұмыс
  • Қазақстан Респуликасының дипломатиясы курстық жұмыс
  • Қазақстан Республикасының дипломатиялық қызметі курстық жұмыс
  • Халықаралық ұйымдар мен олардың лауазымды тұлғалары курстық жұмыс
  • Дипломатиялық өкілдіктің және оның қызметкерлерінің артықшылықтары мен имму ...
  • Мемлекетаралық қатынас - дипломатия реферат
  • Азаматтық құқық субъектілері реферат
  • Гүлстан келісім шарты реферат
  • Қазақстан Республикасының Әділет Министрлігі реферат