Жылжымайтын мүлiкке және онымен жасалатын мәмiлелерге құқықтарды мемлекеттiк тiркеу
Жылжымайтын мүлiкке және онымен жасалатын мәмiлелерге құқықтарды мемлекеттiк тiркеу — Қазақстан Республикасы заңнамасында белгiленген тәртiппен және мерзiмдерде жылжымайтын мүлiкке құқықтардың (құқықтар ауыртпалықтарының) туындауын, өзгеруiн немесе тоқтатылуын және құқықтық кадастрдағы мемлекеттiк тiркеудiң өзге де объектiлерiн мемлекеттiң тануы мен растауының мiндеттi рәсiмi. Көрсетiлетiн мемлекеттiк қызметтiң нысаны: iшiнара автоматтандырылған. Мемлекеттiк қызмет «Жылжымайтын мүлiкке құқықтарды және онымен жасалатын мәмiлелердi мемлекеттiк тiркеу туралы» Қазақстан Республикасы негiзiнде жүзеге асырылады.Мемлекеттiк қызметтi аумақтық әдiлет органдары Халыққа қызмет көрсету орталықтары арқылы көрсетедi, олардың мекен-жайлары осы стандартқа көрсетiлген. Көрсетiлетiн мемлекеттiк қызметтiң аяқталу нысаны жүргiзiлген тiркеу туралы белгiсi бар құқық белгiлейтiн құжатты, не Заңда көзделген негiздер бойынша мемлекеттiк тiркеуден бас тарту немесе оны тоқтата тұру туралы құжатты беру, сондай-ақ Қазақстан Республикасының заңнамалық актiлерiнде көзделген жағдайларда мемлекеттiк тiркеу туралы куәлiк беру болып табылады. Мемлекеттiк қызмет заңды және жеке тұлғаларға көрсетiледi.
Мемлекеттiк қызмет көрсету мерзiмi тұтынушылар қажеттi құжаттарды тапсырған (тiркелген, талон алған сәттен бастап), мемлекеттiк қызметтi алуға өтiнiш берген сәттен бастап :бес жұмыс күнi iшiнде мыналарды мемлекеттiк тiркеу жүргiзiледi: тұрғын үй қоры объектiлерiне, гараждарға меншiк құқығын, шаруашылық жүргiзудi, жедел басқаруды, кемiнде бiр жыл мерзiмге пайдалануды, сенiмдi басқаруды, кепiлдi және жер учаскесiне тиiстi құқықты; меншiк, жердi пайдалану құқығын, жер учаскесiне өзге де құқықтарды; ипотекалық куәлiктi, олар бойынша мiндеттемелерi ипотекамен қамтамасыз етiлген банктiк қарыз шарты бойынша талап ету құқығын басқаға берудi, құқықтың үшiншi тұлғаға ауысуына байланысты емес ауыртпалықтардың тоқтатылуын, соның iшiнде жылжымайтын мүлiк кепiлiн; жылжымайтын мүлiкке құқықтардың (құқық ауыртпалықтарының), соның iшiнде құқықтық кадастрды жүргiзуге қажеттi жылжымайтын мүлiк объектiсiнiң сәйкестендiру сипаттамаларының, құқықтық кадастрдың тiркеу парағында қамтылған құқық иесi туралы мәлiметтердiң, құқық түрiнiң, келiсiм-шарттар талабының өзгеруiн және өзге де өзгерiстердi.
Он бес жұмыс күнi iшiнде мыналарды мемлекеттiк тiркеу жүргiзiледi; тұрғын үйдегi тұрғын емес үй-жайларға, тұрғын емес құрылысқа, бiр объектiден тұратын тұрғын үйге жатпайтын мүлiктiк кешенге меншiк құқығын, шаруашылық жүргiзудi, жедел басқаруды, кемiнде бiр жыл мерзiмге пайдалануды, сенiмдi басқаруды, кепiлдi және жер учаскесiне тиiстi құқықты; апат болудың, бұзудың нәтижесiнде жылжымайтын мүлiкке құқықтардың тоқтатылуын және құқықтың ауысуына байланысты емес өзге де жағдайларды; мiндеттемелердi орындамағаны туралы хабарламаны; сауда-саттық туралы хабарламаны; заңды талаптардың тоқтауын.
Он бес жұмыс күнi iшiнде мыналарды мемлекеттiк тiркеу жүргiзiледi: екi және одан жоғары объектiден тұратын тұрғын үйге жатпайтын мүлiктiк кешенге меншiк құқығын, шаруашылық жүргiзудi, жедел басқаруды, бiр жылдан астам мерзiмге пайдалануды, сенiмдi басқаруды, кепiлдi және жер учаскесiне тиiстi құқықты, көп пәтерлi тұрғын үйге меншiк құқығын, шаруашылық жүргiзудi, жедел басқаруды, бiр жылдан астам мерзiмге пайдалануды, сенiмдi басқаруды, кепiлдi және жер учаскесiне тиiстi құқықты; кондоминиум объектiлерiн; сервитутты; өзге де мемлекеттiк тiркеу объектiлерiн;жылжымайтын мүлiкке құқықтарды (құқықтық ауыртпалықтарды) және онымен жасалатын мәмiлелердi жеделдетiлген тәртiппен мемлекеттiк тiркеу Қазақстан Республикасының салық заңнамасында көзделген алым сомасын бюджетке төлеген жағдайда, тiркеушi органға өтiнiш түскен күннен кейiнгi бiр күннен кешiктiрмей жүргiзiледi;мемлекеттiк органдар және өзге де уәкiлеттi адамдар салатын ауыртпалықтарды, сондай-ақ заңдық талаптарды тiркеу тiркеушi органға өтiнiш түскен сәттен бастап дереу жүргiзiлуге тиiс;құжаттарды тапсырған кезде кезек күтудiң рұқсат берiлген ең ұзақ уақыты 30 минуттан аспайды;құжаттарды алу кезiнде кезек күтудiң рұқсат берiлген ең ұзақ уақыты 30 минуттан аспайды.
