Қазақстан Республикасы Ішкі Істер Министрлігінің Әкімшілік полиция комитетінің қызметін ұйымдастыру
Комитеттiң жедел басқару құқығында оқшауланған мүлкi болады.
Комитеттiң мүлкi оған мемлекет берген мүлiк есебiнен жасалады және негiзгi қорлар мен айналымдағы қаражаттан, сондай-ақ құны Комитеттiң теңгерiмiнде көрсетiлетiн өзге де мүлiктен тұрады.
Комитетке бекiтiлген мүлiк республикалық меншiкке жатады.
Комитеттiң өзiне бекiтiлген мүлiктi өздiгiнен иелiктен шығаруға немесе оған өзге тәсiлмен билiк етуге құқығы жоқ. Комитетке заңнамалық кесiмдерде белгiленген жағдайда және шекте мүлiкке билiк ету құқығы берiлуi мүмкiн.
Комитеттiң қызметiн ұйымдастыру
Комитеттi Қазақстан Республикасы Iшкi iстер министрiнiң ұсынуы бойынша Қазақстан Республикасының Үкiметi қызметке тағайындайтын және қызметтен босататын төраға басқарады.
Комитет төрағасының заңнамада белгiленген тәртiппен қызметке тағайындалатын және қызметтен босатылатын орынбасарлары болады.
Комитет төрағасы орынбасарларының санын Қазақстан Республикасының Yкiметi айқындайды.
Төраға Комитеттiң қызметiн ұйымдастырады және басқарады әрi Комитетке жүктелген мiндеттердiң орындалуы мен оның өз функцияларын жүзеге асыруы үшiн дербес жауапты болады, сондай-ақ аумақтық iшкi iстер органдарының құрылымдық бөлiмшелерiн жедел басқаруды жүзеге асырады.
Осы мақсаттарда Комитет төрағасы:
1) Комитеттiң құзыретiне кiретiн мәселелер бойынша мемлекеттiк органдар мен өзге де ұйымдарда және халықаралық қатынастарда Комитеттi бiлдiредi;
2) өзiнiң орынбасарлары мен Комитеттiң құрылымдық бөлiмшелерi басшыларының өкiлеттiктерi мен мiндеттерiн айқындайды;
3) заңнамаға және Қазақстан Республикасының Iшкi iстер министрi бекiтетiн лауазымдар номенклатурасына сәйкес Комитеттiң құрылымдық бөлiмшелерiнiң қызметкерлерiн қызметке тағайындайды және қызметтен босатады, еңбек шарттарын жасасады, өзгертедi және бұзады;
4) Комитеттiң құрылымдық бөлiмшелерi туралы ережелердi бекiтедi;
5) белгiленген тәртiппен Комитеттiң құрылымдық бөлiмшелерiнiң қызметкерлерiн көтермелеу, оларға материалдық көмек көрсету мәселелерiн шешедi және тәртiптiк жазаға тартады;
6) өз құзыретi шегiнде Комитеттiң құрылымдық бөлiмшелерi мен аумақтық iшкi iстер органдары орындауға мiндеттi бұйрықтар шығарады;
7) Комитеттiң құрылымдық бөлiмшелерiнiң қызметкерлерi арасында тәрбие жұмысын, олардың тәртiптi, заңдылықты және құпиялылық режимiн сақтауын ұйымдастырады;
8) азаматтарды қабылдауды жүзеге асырады, шағымдар мен өтiнiштердi қарайды, олар бойынша шешiмдер қабылдайды, тәртiп пен заңдылықты бұзу фактiлерi бойынша қызметтiк тергеулер жүргiзедi;
9) Комитеттiң қызметкерлерiн белгiленген тәртiппен Қазақстан Республикасының шегiнде қызметтiк iссапарларға жiбередi;
10) Комитеттiң құзыретiне жатқызылған басқа да мәселелер бойынша шешiмдер қабылдайды.
Комитеттi қайта ұйымдастыру және тарату. Комитеттi қайта ұйымдастыру және тарату Қазақстан Республикасының заңнамасына сәйкес жүргiзiледi.
Қазақстан Республикасы Iшкi iстер министрлiгi Әкiмшiлiк полициясы комитетiнiң құрылымы :
1. Басшылық
2. Алдын алу қызметi басқармасы
3. Патрульдiк полиция басқармасы
4. Лицензия-рұқсат беру жұмысы басқармасы
5. Көшi-қон полициясы басқармасы
6. Азаматтық және иммиграция басқармасы
7. Мемлекеттiк күзет қызметi басқармасы
8. Арнайы полиция басқармасы
9. Арнайы мекемелер басқармасы
10. Әкiмшiлiк басқарма