Рақымбеков Бауыржан
Бауыржан Рақымбеков туралы қазақша реферат
Бауыржан Рақымбеков — Тарбағатай ауданы Қабанбай ауылында 1977 ж. туған. Үйіндегі он бір баланың тоғызыншысы.
Әнші бес -алты жасынан эстраданың сүйемелдеуімен ән айтқанды ұнатты. Осылайша танымал әнші болам деп жүргенде, тоғызыншы сыныптан соң Өскемендегі құрылыс техникумына оқуға түсті, бірақ бұл оқуды бітірмей оқудан шығып, он бірінші сыныпты Жамбыл атындағы гимназиядан бітірді.
Қазір Шығыс Қазақстан мемлекеттік университетінің музыка бөлімінде екінші курста сырттай оқиды. Жамбыл атындағы драма театрының актері.
Жылдың үздік сазгері Байдалы Рыспамбетовтың «Арманым», «Туған жер» атты өлеңдерін ұнатады.
Әстрада жұлдыздарының ішінде жастардан Тоқтар Серіковке, АБК, МұзАрт тобына еліктейді.
Бауыржанның жетістіктеріне тоқталсақ, 1996 жылы «Махаббат — сиқырлы әлем» облыстық әстрадалық жас әншілер байқауының иегері.
2000 жылы Шәмші Қалдаяқов атындағы халықаралық жас әншілер байқауының дипломанты.
2001 жылы IV «Шабыт» халықаралық жастар фестивалінде «Үздік орындау шеберлігі үшін» номинациясы бойынша жеңімпаз.
2002 жылы облыстық «Жас қанат» байқауында 1 орын алған.
2002 жылы V «Шабыт» халықаралық жастар фестивалінің дипломанты және бірнеше облыстық байқаулардың лауреаты.
