Яковлев Николай Иванович
Яковлев Николай Иванович туралы қазақша реферат
(1927-1985), суретші
Н.И. Яковлев – суретші, пейзажшы, тақырыптық полотно авторы.
Ленинград көркемсурет академиясы жанындағы мектепте оқыған.
1942-1944 жылдарда Псков облысындағы партизандық қозғалысқа қатысқан.
Қызыл Жұлдыз орденімен және медальдармен марапатталған.
Соғыстан алған жарақат салдарынан денсаулық жағдайына байланысты Ленинградта қала алмайды, тағдырдың еркімен Қазақстанға келеді.
1948 жылы Алматы көркемсурет училищесін тамамдап, 50-ші жылдары Семейге көшіп келеді.
Семей педучилищесінде сабақ бере жүріп, көркемсурет қоры шеберханасында жұмыс істейді. Қалалық, облыстық, республикалық көрмелерге қатысқан.
Яковлевтің жұмыстары Ә.Қастеев атындағы Мемлекеттік бейнелеу өнері мұражайы қорында сақтаулы тұр.
Суретшінің 70 шығармасы Ұлы Отан соғысы тақырыбына арналған сериялық жұмыстары көрермендер марапатынан қызығушылық туғызады. Мұражай коллекциясында суретшінің Ертіс өңіріне арналған пейзаждары мен этюдтері кең орын алған.
СССР Суретшілер Одағының мүшесі
Әдебиеттер:
1. Шығыс Қазақстан облыстық Семей қаласындағы Невзоровтар атындағы бейнелеу өнері мұражайы. Семей. — 2003. — 204с.