TOPREFERAT.COM.KZ - Қазақша рефераттар

войти на сайт

вход на сайт

Логин: :
Пароль :

Забыл пароль Регистрация

Ішектегі астың сіңірілуінің бұзылыстары




Ішектегі астың сіңірілуінің бұзылыстары
0
Раздел: Медицина | Автор: Админ | Дата: 1-10-2015, 21:00
Загрузок: 5171




Ішектер секрециялық, инкрециялық, сіңірімділік, қимылдық және экскрециялық қызметтер атқарады.


Ішек сөлі екі бөлшектен тұрады: біріншісі минералдық заттардан және нәруыздардан тұратын сұйық бөлшек, екіншісі ферменттерден және ішектердің шырышты қабықтарынан бөлінген эпителий жасушаларынан тұратын қою, ерімейтін бөлшек.


Ішектің секрециялық қызметі жергілікті факторлармен, гормондық және нервтік әсерлермен реттелінеді. Ішекке түскен тамақ қойыртпасы (химус) ішектегі механорецепторлар мен хеморецепторларды қоздыру арқылы сөлдің шығуын арттырады.


ОЖЖ негізінен ішек сөлінің шығуын тежейді. Ішек сөлі шығуына байланысты ішектерде тағамдық заттардың ыдыратылуы болады. Оларда астың ыдыратылуы екі сатыға бөлінеді:


1. қуыстық және


2. мембриналық немесе іргелік болады.


Бірінші сатысы ішек қуыстарында болады, онда ірі молекулалар мен кесек заттар ыдыратылады. Екінші сатысында тағамның ыдыратылуы ішек бүрлерінің эпителий жасушаларының мембраналарында болады. Бұл кезде тағамдық заттардың толық ыдырауы болып, сіңірілу басталады.


Тағамның қуыстық ыдыратылуының бұзылыстары. Астық қуыстық ыдыратылуы негізінен ұйқы безінің ферменттерімен және өтпен қамтамасыз етіледі. Осыған байла­нысты оның бұзылыстары ұйқы безінің сөлі мен өттің ішекке түсуі бұзылуынан болады.


Астың қуыстық ыдыратылуының бұзылыстары ішекке бауырдан өт түспегенде (ахолия) немесе аз түскенде (гипохолия) байқалады. Ішекке өттің аз түсуі бауырлық сарғыштану, ал мүлде түспеуі механикалық сарғыштану кездерінде болады. Сонымен бірге, өттің бауырда аз өндірілуі және оның ішекке түсуі шектелуі ашығу, симпатикалық нервтердің қозуы, ұлтабарда холецистокининнің, мотилиннің аз өндірілуі кездерінде байқалады.


Ахолияның нәтижесінде ішекте барлық қоректік заттардың, әсіресе майлардың қорытылуы бұзылады. Майлардың өт қышқылдарымен өңделуі болмағандықтан оларға ұйқы безінде өндірілетін липаза ферментінің әсері азаяды. Сонымен қатар өт ішекке түспегендіктен липазаның белсенділігітөмен болады. Тағаммен түскен майлардың 70-80%-дан астамы дәретпен шығарылады (стеаторея лат. stear, atos — май, rheo — ағу).


 


Тағамнық мембраналық ыдыратылуының бұзылыстары.


Астың мембраналық ыдыратылуы аш ішектің шырышты қабығы эпителийлерінің жиектерінде бекітілген ферменттермен болады. Ішектін бұл қызметінің бұзылуы жасушалардың бүршіктерінің атрофиясы кезінде байқалады.


Тағамның мембраналық ыдыратылуының бұзылыстары мына жағдайларда болуы мүмкін:


1. астың қуыстық ыдыратылуының жеткіліксіздігінде;


2. аш ішектер эпителийлерінің ултрақұрылымы мен бүрлерінің құрылымы бұзылғанда. Мәселен, тез дамитын дизентерия кезінде ішек бүрлерінің биіктігі төмендейді, сәулелік ауру кездерінде, кейбір антибиотиктерді (неомицин) қолданғанда ішек бүрлерінің атрофиясы болуы мүмкін;


3. астың мембраналық ыдыратылуына қажетті ферменттер жеткіліксіз өндірілгенде немесе олардың белсенділігі төмендегенде. Ұзақ мерзімде антибиотиктер (хлортетрациклин, неомицин ж. б.) қабылдағанда олардың белсенділігі төмендейді. Гипо-, немесе ахолия кездерінде ішек жасушаларымен ферменттерді тамақ қойыртпасынан (химустан) сорып алу төмендейді;


4. ішектердің қимылдық әрекеттері бұзылғанда ішек қуысынан эпителий жасушаларының бетіне қорытылатын заттарды тасымаудау бұзылады.


Астың мембраналық ыдыратылуы бұзылғанда ауыр ас қорытудың жеткіліксіздігі пайда болады. Сіңірілу үрдісі қатты бұзылады. Өйткені: ферменттердің жеткіліксіздігінен тағамдық заттар толық ыдырамайды және ішек бүрлерінің қызметі бұзылады. Осыдан ас қорыту жеткіліксіздігі дамиды. Көп мөлшерде ыдырамаған нәруыздар, майлар, көмірсулары ішектің төменгі бөліктерінде ауысады. Онда бактериялардың әсерлерінен ішектің шырышты қабығын бүлдіретін және іш өтуге, уыттануға, дегидратацияға, балаларда гипотрофия дамуына әкелетін улы заттар құрылады.


Ішектің бағаналы жасушаларымен ферменттердің түзілуінің бұзылуы өз алдына астың ыдыратылуына теріс әсер етуі мүмкін.


 


ДИСПЕПСИЯЛАР


Балаларда ас қорыту бұзылыстары жиі диспепсия (грек. dispepsia қорытылмау) түрінде кездеседі.


Диспепсия — тамақтанудың бұзылуынан немесе микробтардың әсерлерінен туындайтын тез дамитын ас қорыту бұзылысы. Диспепсия қарапайым, уытты және ішектен тыс (парентериалдық) себептерден дамитын болып бөлінеді. Бұл кезде құсу және іш өту (грек. diarrheo — диаррея), зат алмасудың бұзылыстарымен сипатталатын көптеген көріністер пайда болады.


Қарапайым диспепсия балалардың қоректенуі бұзылғанда (артық тамақ бергенде, қосымша тамақтың дұрыс берілмегенінде, жасанды тамақтандыруға ауыстырғанда) пайда болады.


Уытты диспепсия бактериялардың әсерлерінен туындайды немесе қарапайым диспепсияның асқынуынан болуы мүмкін.


Ішектен тыс (парентералдық) себептерден пайда болатын диспепсия дене қызуы көтерілуіне әкелетін жұқпалы аурулар кездерінде дамиды. Бұл кезде диспепсиялық құбылыстар аш ішектердің бүрлерінің құрылымы өзгерулерінен пайда болады.


Қатты іш өтулерден организмнің сусыздануы, айналымдағы қанның қоюлануы және азайуы, циркуляциялық гипоксия дамуы, зат алмасуларының бұзылыстары, метаболизмдік ацидоз дамуы болады. Осыдан организмде уытты өнімдер жиналып қалады, олар уытсызданбайды. Бұл өнімдер орталық нерв жүйесіне уытты әсер етіп, мидың қызметтерін бұзады.


Уытты диспепсиялар өте ауыр түрде өтеді. Диспепсияларды емдеу әдістерінің негізінде организмге көп сұйық енгізіп, организмнің уыттануынан сақтандыру қажет. Диспепсияны туындататын негізгі дертті емдеу қажет.





Ішек дисбактериозы.


Ішек дисбактериозы деп ішектегі қалыпты микрофлораның құрамының өзгерісін  айтады.  Ол әртүрлі қолайсыз жағдайларда организмнің әлсіреуінде немесе антибиотиктерді бақылаусыз және ретсіз көп қолданғанда дамиды. Осы кезде тоқ ішекте ашу, шіру процесстері күшейіп, перистальтикасы жоғарылайды, іш өту болады, К витаминінің түзілуі нашарлайды. Ішек дисбактериозын емдеу үшін И.И.Мечников сүт қышқылының бактерияларын ұсынған. Бұл бактериялар адамның ішегіне бейімделіп, өсіп-өніп, басқа бактериялардың өсуін тежейді. Сүт қышқылы айран, сүт, қымыз т.с.с. тағамдарда болады.





Написать комментарий
Имя:*
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите код: *


Бұл сайтта Қазақстанның түкпір-түкпірінен жиналған қазақ тіліндегі рефераттар мен курстық және дипломдық жұмыстар ұсынылған. Қазіргі таңда www.topreferat.com.kz сайтының қазақ тіліндегі жұмыстар базасы бүкіл интернеттегі ең үлкен база болып табылады! Біздің базадағы жұмыстар саны 15000-нан асады. Біз бұл жетістікпен тоқтап қалмаймыз! Біз базамызды одан әрі толықтырамыз.
» » Ішектегі астың сіңірілуінің бұзылыстары

© 2011-2016 Скачать бесплатно на topreferat.com.kz курсовые, дипломные и рефераты на телефон, на планшет и на компьютер.
При копировании материала активная ссылка на источник обязательна.


Мнение посетителей:
 

После 9 класса Вы:

Пойду в 10, 11, закончу школу полностью
Пойду в Колледж
Пойду в ПТУ
Пойду работать
Снова пойду в 9 класс

 
 
Похожие: