Байжігіт Тоқтарқожаұлы
Байжігіт Тоқтарқожаұлы (шамамен 1758 — 1845) — би. шешен. Найман тайпасының төртуыл тармағынан. Түркістан маңында дүниеге келген.Шешесі — найманның қаракерейінен шыққан Байыс батырдың қызы Мақта (кейбір деректерде Ақмақта) ақын болған. Байжігітке шешендік, ақындық анасынан дарыған. Әкесі Тоқтарқожа Мақтадан туған екінші ұлы Жанжігітті ертіп еліне кетеді де, Байжігіт шешесімен нағашыларында қалады. Билік, шешендік өнерден жастай тағылым алған Байжігіт би 14 жасында билік айтады. Халыққа ділмарлығымен, ақыл-парасатымен, әділдігімен танылған ол «Ұлыс биі» атанады. Байжігіт биден Жұмық, Тоғас, Мәмбет, ал Мәмбет ұрпақтарынан Қабанбай батыр тарайды. Байжігіт биден тарайтын ұрпақ, негізінен, Шығыс Қазақстанның Тарбағатай өңірін, Шыңжаң өлкесін (Қытай) қоныстанған.