«Атамекен» Бағдарламасының «Төрт түлік» Бағыты бойынша жүргізілген әдістемелік жұмыстар
Сүйеубаева Б., — Тереңөзек кенті, № 25 орта мектеп директоры, Қызылорда
«Төрт түлік» Бағытын жүзеге асыру барысында, бірінші – шығармашылық топ құрылады, екіншіден – Бағытты оқушылардың жас ерекшеліктеріне қарай үш бірлестік анықталады, үшіншіден – Бағытты кешенді түрде жүзеге асырудың жоспары жасалады.
Топ мектептегі тәлім-тәрбие жұмысының орталығы болып табылады. Алдымен Бағытты жүзеге асырушы оқушылардың жас ерекшеліктері мен мүмкіндіктеріне негізделген тиімді тәрбие жүйесінің жоспары жасалады. Жұмысты одан ары үйлестіру барысында топ:
— Бағыттың жұмыс жоспарын айқындап, арнайы хабарлама жасайды;
— Бағыттың елтаңбасын белгілейді, оның қандай сыныптарға бөлінгенін және атқарылатын жұмыстардың мөлшерін, есеп беру мерзімдерін белгілейді;
— Жергілікті жерлердегі еңбек науқаны, ауыл шаруашылығы, басқа да көмек қажет ететін кәсіпорындардың, фермалардың, егістік аймағының, шопандардың қыстауларын белгіліп, картаға түсіреді, еңбек жорықтарын ұйымдастыру жоспарын құрастырады;
— Әр бірлестіктерге жекелеген тапсырмалар беру:
— Топ басшыларын сайлау және еңбек жорықтарына шығуға дайындау;
— Көзге түскен белсенді оқушыларды мадақтау:
— Бағыт бойынша болашақтағы ауқымды жұмыстарды жоспарлау
Қыркүйек
Төрт түлік атаулары туралы жазылған әңгімелер
«Төрт түлік мал – табиғаттың берекесі» атты бүкілмектептік ойын-сайыс
Күз мезгілі кезіндегі малдарды күтіп баптау
Күзеу туралы жалпы түсінік
Қазан
Жылқы малы туралы жалпы түсінік
Жылқы иесі – Қамбар ата туралы этномифологиялық әңгімелер
Жылқы жануарын күтіп-баптау, жасын ажырату, етін мүшелеу
Күз айларындағы ауылшаруашылығының ерекшеліктері
Қараша
Қой малы туралы түсінік
Қой мен ешкі шаруашылығының тұрмыс пен экономикадағы рөлі
Қой мен ешкі терісінен жасалатын заттар
Қой мен ешкі төлдері және оларды бағып қағу дәстүрлері
Желтоқсан
Түйе малы және оның қысқаша тарихы
Түйе өсірушілердің салттары
Қазақстандағы түйе асырайтын аймақтар
Түйенің сүтінен дайындалатын сусындар
Шығармашылық топ аталмыш жоба негізінде «Төрт түлік» Бағыты бойынша жылдық жоспарды жасап шығады.
Жылдық жоспарды әрбір сыныптың жоспары негізінде түзген дұрыс. Оның себебі, атқарылған жұмыстарды жыл аяғында қорытындылау барысында, әр сыныптың шығармашылық есебі мен жұмыс нәтижелерін айқындауға мүмкіндік береді. Осы жұмыстармен қоса «төрт түлік малға» қатысты дүниелерді пәнаралық байланыстар негізінде пайдаланған азбар. Ол үшін география, биология, дүниетану, зоология пәндерінің мұғалімдерімен қарым-қатынас жасай отырып, білім стандартына қосымша атқарылатын іс-шараларды жоспарлау керек.
Осы ретте мектептегі тәрбие жұмыстарын жандандыру барысында сыныптан тыс жұмыстарға үлкен назар аудару керек. Оған мектептегі оқушылар ұйымдарының шығармашылық-ізденімпаздық жұмыстары жатады.
Оқушылар ұйымы «Төрт түлік» Бағытын жүзеге асыру барысында мынадай ауқымды іс-шаралар атқарған жөн:
Әдебиеттер
«Атамекен» Бағдарламасы.,- Егемен Қазақстан, 26 тамыз 1991 жыл
Ұлттық энциклопедия.,- А, 5 томдық, 1998
География животных.,- М, 1970
Хайуанаттар туралы халық ертегілері.,- құр.С.Қасқабасов,А, Ғылым, 1979
Ә.Жақыпов.,- Түйе өсірушілердің түсіндірме сөздігі,А,Қайнар, 1989
