Әлеуметтік саланың шығындары
Кәсіпорын қызметкерлерінің тұрмыстық мұқтаждарына тиісті өндірістер мен шаруашылықтар /асханалар, наубайханалар, мектепке дейінгі балалар мекемелері, жөндеу, пішу шеберханалары,т.б./ қызмет көрсетушілерге жатады. Осы өндірістердің өндірілген өнімінің, атқарылған жұмыстар мен көрсетілген қызметтердің шығындары тұрғын үй-коммуналдық шаруашылық, қоғамдық тамақтандыру кәсіпорындары, тұрмыстық қызмет көрсетудің киім тігу, басқа өндірістері, демалыс және еңбек лагерлері, мектеп жасына дейінгі балалар мекемелері, мәдени-тұрмыстық мақсаттағы мекемелер, басқа да өндірістер мен шаруашылықтар шығындарынан тұрады.
Ведомосқа жазу немесе машинабағдарлама жасау «Жалақы мен материалдар шығындарын бөлуі, “Негізгі құрал-жабдықтар амортизациясының есебі”, “Көмекші өндірістер көрсеткен қызметтерді бөлу” талдама кестелерінен және басқа да кестелер мен құжаттарда жүргізіледі.
Коммуналдық қызмет шығындары мен табыстары тұрғын үй қоры, жалға тапсырылған тұрғын үй емес үй-жайлар, радиотораптар, санитарлық-гигиеналық объектілер, жол шаруашылығы, қонақүйлер шығындары мен табыстарынан құралады.
Шығыстар баптары мынадай:
— қызмет көрсетуші қызметкерді әлеуметтік сақтандыру мен қамсыздандыруға қаржы бөле отырып, еңбекке негізгі және қосымша ақы төлеу,
— үй шаруашылығын ұстау,
— тұрғын үй қорын жөндеу,
— тұрғын үй қорының негізгі құралдарының амортизациясы,
— тұрғын үй қоры бойынша басқа да шығыстар.
Жекелеген талдамалық шоттарда тұрғын үй пәтерлері мен жатақханалар тұрғындарынан орталықтандырылған жылу, канализация,ыстық сумен жабдықтау, телефонды, ұжымдық антенналарды пайдаланғаны үшін алынатын нысаналы алымдар есебінен жүргізілетін шығыстар есепке алынады. Олар бойынша шығындар бұл қызметтерді осы кәсіпорынның коммуналдық шаруашылығы көрсетті ме, әлде басқа кәсіпорын көрсетті ме, оған қарамастан “Коммуналдық қызмет” арқылы жүргізіледі. Нысаналы алымдарды /кірістерді/ есепке алу жекелеген талдамалық шоттағы алымдар түрлері бойынша жүргізіледі.
ҚҚ кірістері мынадай баптар бойынша есепке алынады: пәтерақы, тұрғын үй емес үй-жайға арендалық ақы төлеу, үй шаруашылығының пайдалану шығындарын жабу үшін арендаторлардан алым жинау, басқа да кірістер.
Әдебиеттер:1,3,4.
