Курстық жұмысты жазудың әдістемелік нұсқауы
Курстық жұмыстың негізгі мақсаты:
— Жеке мәселелер немесе бекітілген курс тақырыптарын тереңдете игеру барысында студенттердің теориялық білімін нығайту ;
— Есеп әдістері мен процедураларын қорыту барысында жалпы теориялық базаны пайдалануды студенттердің өзіндік жұмыс дағдысына қалыптастыру және ақпарат көздеріне: алғашқы құжаттар қолданылатын есеп регистрлері мен қаржы және салық есептемелеріне талдау жасау;
— Аналитикалық пікірлерді қалыптастыру, маңыздылықпен тәуекелділікті анықтау, ішкі бақылау жүйесін түсіну, талдау және таңдап алынған бағыт бойынша есептің жалпы жоспары мен бағдарламасын құрып, құжаттарын жинау;
— Таңдап алынған тақырып бойынша жалпы құжаттарды талдап, ұсыныс жасау және есеп құру;
— Шаруашылық субъект есебін бақылауды ұйымдастыру, ішкі есеп мәселелерін шешу жолын іздестіру және студенттердің өзіндік ғылыми-зерттеу жұмыстарын өткізуге дайындықтарын тексеру.
Курстық жұмыстарға қойылатын талаптар:
Курстық жұмысты дайындау және жазу төмендегідей кезеңдерді қамтиды:
— кафедра ұсынған тақырыптардан курстық жұмыстың тақырыбын таңдау;
— алынған тақырыптар бойынша әдебиеттермен танысу;
— жоспарын құру және кафедра анықтаған ғылыми жетекшімен келісу;
— курстық жұмысты қорғау.
Тақырып таңдау
Курстық жұмыс «Басқару есебі» курсын оқып-үйрену кезеңінде жазылады. Өйткені, студент бұл уақытта шаруашылық процестеріндегі немесе экономикадағы есеп мәселелері бойынша қызығушылық пікір келтіріп, есеп көздері мен құрылымы жөнінде тұжырым жасай алады. Сондай-ақ студент таңдалып алынған тақырыпты зерттеуді дипломдық жұмыс жазу барысында кеңейте алады.
Әдебиеттер тізімі
Әдебиеттер тізімі анықталған ретпен құрылады:
— заңдылықтар мен нормативтік актілер;
— ережелер мен нұсқаулар;
— статистикалық дерек көздері;
— монографиялар, мақалалар, оқулықтар және басқа да қолданылған ақпарат көздері алфавиттік ретпен жазылады;
— кәсіпорынның ведомстволық нұсқаулықтары, нормативтік құжаттары, есептік және жоспарлық құжаттар.
Жұмыс жоспарын құру
Жұмыстың жоспарын құру жауапты кезең болып табылады. Себебі кез-келген тақырып ерекше бағыттар алып бірнеше вариантта жасалуы мүмкін. Бірде теориялық бағыты басым болса, екіншісінде тәжірибелік жағына үлкен көңіл бөлінуі мүмкін. Кейде тақырыптың қазіргі жағдайы проблемалық мәселелері және тарихы баяндалып қана қойылуы мүмкін. Курстық жұмыстың бағыты қолданылған көрсеткіштермен тақырыптың ұйымдастырылу деңгейіне байланысты.
Курстық жұмыстың жазылуы
Курстық жұмыстың кіріспе бөлімінде тақырыптың мәні мен маңызы ашылып, зерттеу объектісі, мақсаты анықталады. Кіріспе 1,2 бетті қамтуы керек.
Бірінші бөлімде жалпы теориялық әдістемелік аспектілер негізінде ішкі бақылау жүйесін оқып-үйрену қарастырылады: элементтер бойынша бақылау ортасы, бухгалтерлік есеп жүйесі мен принциптері және элементтердің бөлінуі бойынша бақылау процедуралары, клиент бизнесін тану сұрақтары, есеп тәуекелдік компоненттерінің жоспарланған деңгейін және маңыздылықты анықтау. Сондай-ақ статистикалық, статистикалық емес сұрыптау және іріктеу әдістері қарастырылады. Алынған материалдар негізінде есеп бағдарлама құрылады.
Екінші бөлімде есептік деректер негізінде бухгалтерлік есеп және ішкі бақылауды ұйымдастыру тәжірибесі қарастырылып, шаруашылық процестері мен оның ақпарат көздері, құралдардың жеке түрлеріне жүргізілген есеп нәтижесі келтіріледі. Екінші бөлімнің әр параграфтары жұмыс құжаттарын тіркеумен аяқталады және оларға талдау жүргізіліп отырады. Келтірілген ұсынымдар нақты және негізделген болуы тиіс. Ұсынылымдар жекелеген салалар кәсіпорындарында тәжірибе ұштастыру негізінде жасақталып, баспасөз материалдарын немесе кәсіпорынның ішкі бақылау жүйесі мен талдау есебі жағдайын қарастырып сонымен бірге ондағы жетіспеушіліктерді анықтайды.
Ұсынымдар мен пікірлер есеп жұмысының жасалуы мен нарықтық қатынастарды байланыстыра отырып келтірілуі керек.
Үшінші бөлімде Заң күшіндегі салық заңдылықтары негізінде бухгалтерлік есепті ұйымдастыру ерекшеліктері мен шаруашылық субъектінің қаржылық есеп беруіндегі шектеулер келтірілуі тиіс.
Курстық жұмыс 2,3 беттік қорытынды жазылып, аяқталады. Мұнда, жазылған жұмыс бойынша қысқаша өзіндік ұсыныс, пікір келтіріледі. Жалпы, қорытынды бөлімде қаржылық есептің ұсынымдық тақырыптарға сәйкестігіне қысқаша баға беру, тақырыпты ашып көрсету мен бухгалтерлік есеп және ішкі бақылау жүйесін жетілдіруде автордың өз ұсынысы жазылады.
Қолданылған әдебиеттер тізімі курстық жұмыс жазу барысындағы барлық пайдаланылған ақпарат көздерін қамтиды.
Курстық жұмыстың көлемі компьютерлік текстпен 25 бет болуы керек.
Курстық жұмысты қорғау
Курстық жұмысты қорғаудың мақсаты – студенттің таңдалған тақырыпты түсіну деңгейін анықтау, тәжірибелік тапсырмаларды орындауда теориялық білімді қолдана алу, негізделген экономикалық ұсынымдар беру және нақты пікір жасау болып табылады.
Курстық жұмысты қорғау соңында, жұмыс нәтижесі бес балдық жүйемен бағаланады.
«Өте жақсы» баға, егер курстық жұмыстың мазмұны барлық талапқа сәйкес жазылса, тәжірибелік материалдарды барынша қолдана алса сондай-ақ студент қарастырылатын мәселелер бойыеша өзіндік жұмысты қорғау кезінде мәселенің мәнісін қысқаша, ой қисынымен жеткізсе, қосымша сұрақтарға айқын, дұрыс жауап берсе қойылады.
«Жақсы» баға, егер жұмыс ұсынылған тақырыптарға жауап бере алса, айғақтық материалдардың саны жеткілікті деңгейде қолданылса, өзіндік жұмыстардың жекелей элементтеріне ие болса, жұмысты қорғау барысында орындалған жұмысты толық түсінгендігін жеткізе алса және қойылған сұрақтарға айқын, нақты жауап берсе қойылады.
«Қанағаттанарлық» баға, егер жұмыста жетіспеушіліктер болса, бірақ маңызды қателер орын алса, ұсыныс пен пікірлер толық негізделмеген және студент жұмысты қорғау барысында орындалған тақырыпты игере алғандығын растай алса қойылады.
«Қанағаттанарлықсыз» баға, егер жұмыс ұсынылған талаптарға толық жауап бере алмаса, қателер көп болса сондай-ақ студент орындалған жұмысты түсіне алмаса, жұмысты қорғау барысында жазылған тақырыпты игергендігін растай алмаса қойылады. Курстық жұмысты қорғауда студент «қанағаттанарлықсыз» баға алған жағдайда, жаңа жұмыс тақырыбын алып, қайтадан жазады немесе бұрынғы тақырып қалуы мүмкін. Жаңа курстық жұмыстың жазылу уақыты қайта қаралады.