Тік ұшақтың шығу тарихы
Тікұшақ туралы қазақша реферат, тегін қазақша мәлімет
Тікұшақ — аты айтып тұрғандай, тұрған орнынан тік жоғары көтеріле ұша алатын және тік қона алатын ауе машинашы. Оның негізгі күші роторында. Роторға винт (бұранда) арқылы қанатшалар бекітіледі. Ротордың көмегімен айналып тұратын қанатшалар әуе машинасына көтергіш күш пен алға тартқыш күш береді. Тікұшақтардың типтеріне байланысты роторлы моторларының саны да әр түрлі болады.
Тік ұшақтың шығу тарихы
Тікұшақты инелікке қарап жасаған деген жалпылама түсінік болғанымен оның техникалық негізі б.з.д. 400 жыл бұрын Қытайда балалар ойнайтын бұрандалы ойыншықта жатыр. Бұрандалы ойыншық дегеніміз бір-біріне қарама-қарсы орналасқан екі немесе төрт қанатшасы бар, ортасында алақандардың арасына салып үйкеуге ыңғайлы таяқшасы бар кішігірім ойыншық.
Алғашқы тік ұшатын зат ретінде қарастырылатын балалар ойыншығының ерте кездердегі адамдардың әуе заңдылықтарын білгендігін көрсетеді. Ойыншық қанаттарының айналған кезінде ауа ағынына белгілі бір жылдамдықпен еніп, қанатының алдыңғы жағының көтеріліп тұруынан көтергіш күш туғызатыны сол кезде ескеріліп, қанаттары жалпақ етіп немесе тік етіп жасалмаған.
Тарих қойнауында қалған деректер бойынша 1475-1480 жылдар аралығында итальяндық өнертапқыш әрі суретші Леонардо да Винчидің сызбалық нұсқада жасаған тікұшақ сұлбасы болған. Леонардо да Винчидің жасаған сызбасы төмендегідей:Әуе бұрандасы (aerial screw) «Әуе бұрандасы (aerial screw)” деп сипатталған тікұшақ сұлбасы ешқашан ұшатын аппарат ретінде шынайы жасалған емес. Тек қағаз бетінде ғана қалған. Бұған қарағанда көнедегі қытай балаларының ойыншығы қазіргі заман тікұшақтарына ұшуы мен қанаттарының орналасуы жағынан әлдеқайда жақынырақ.
