TOPREFERAT.COM.KZ - Қазақша рефераттар

войти на сайт

вход на сайт

Логин: :
Пароль :

Забыл пароль Регистрация

Қазақстан Республикасындағы банк жүйесінің құрылымы және даму бағыттары




Қазақстан Республикасындағы банк жүйесінің құрылымы және даму бағыттары
0
Раздел: Экономика | Автор: Админ | Дата: 7-10-2015, 15:00
Загрузок: 277




Нарық жағдайында банк жүйесі екі деңгейде болады: Орталық банк (эмиссиялық) және коммерциялық (депозиттік) банк. Коммерциялық банктердің негізгі функциясы несие беру және салымдарды өсіру. Осындай шаралардың нәтижесінде коммерциялық банктер ақша ұсынысын кеңейтеді. Банк жүйесі құнды қағаздарды алып-салумен де айналысады.


Орталық банк ұлттық валютаны айналымға шығарады, мемлекеттің алтын резервтерін сақтайды, коммерциялық банктердің міндетті резервтері банктер арасындағы шот айыру ретінде пайдаланылады. Орталық банк халықаралық   ақша   нарығында   сатушы   және   сатып алушы қызметін орындайды және шет мемлекеттердің және банктерінің істерін үйлестіреді. Барлық мемлекеттерде орталық банк ақша-несие саясатын қалыптастырады және жүзеге асырады, коммерциялық банктердің іс-әрекетін қадағалайды және ұйымдастырады. Орталық банк пен коммерциялық банк операцияларының және банктен тыс секторлардың шешімдері нәтижесінде экономикадағы ақша ұсынысының өзгеруіне ықпалын тигізеді.


Орталық банк ақша ұсынысын ақша базасына және мультипликаторға әсер ету арқылы қадағалайды. Ақша ұсынысының нақты көлемі коммерциялық банк операцияларының нәтижесінде несиені қабылдау және беру арқылы құрылады.


Қазақстан Ұлттық банкі мемлекеттік ақша-несие саясатын анықтайтын және жүзеге асыратын орган болып табылады. Қазақстан Ұлттық банкі ақша-несие саясатының басты мақсаты: ұлттық валютаның тұрақтылығын, яғни оның төлем қабілеттілігі мен басқа шетел валюталарына қатысты тұрақтылығын қамтамасыз етуді көздейді.


Ақша-несие саясаты


Қазақстан Ұлттық банкі мемлекеттік ақша-несие саясатын анықтайтын және жүзеге асыратын орган болып табылады. Қазақстан Ұлттық банкі ақша-несие саясатының басты мақсаты: ұлттық валютаның тұрақтылығын, яғни оның төлем қабілеттілігі мен басқа шетел валюталарына қатысты тұрақтылығын қамтамасыз етуді көздейді.


Ақша-несие — бұл айналыстағы ақша жиынын, несие көлемін, сыйақы мөлшерлемесін өзгертуге, жалпы банк жүйесінің қызметін реттеуге бағытталған шаралар жиынтығы. Ақша-несие саясатының макроэкономикалық деңгейдегі субъектісі — Ұлттық банк болып табылады. Ал ақша-несие саясатының Ұлттық банк тарапынан реттеу объектілеріне экономикадағы қолма-қол және қолма-қол ақшасыз жиынының жиынтығы жатады.


Ақша-несие саясатының түрлері


Шаруашылық жағдаятына байланысты ақша-несие саясатының екі типі болады:


1)  рекстрикциялық ақша-несие саясаты;


2)  экспанциялық ақша-несие саясаты. Рекстрикциялық ақша-несие саясаты — екінші деңгейлі банктердің несиелік операциялар көлемін шектеуге және қатаң шарт белгілеуге, сондай-ақ сыйақы мөлшерлемесінің деңгейін арттыруға бағытталатын шаралар жиынтығы.


Экспанциялық ақша-несие саясаты — несие беру көлемін кеңейтумен, айналымдағы ақша жиынының өсуіне бақылаудың әлсіздігімен және сыйақы мөлшерлемесінің төмендеуіне байланысты сипатталады. Соңғы жылдардағы ақша-несие саясатының басты көздеген бағыты: инфляцияны төмендету және теңгенің тұрақтылығын қамтамасыз ету.


Ақша-несие саясатының мақсаты және құралдары


Ақша саясатының құралдарын төмендегідей топтастыруға болады.


Ақырғы мақсат:


а) экономиканың өсуі;


ө) толық жұмысбастылық;


б) бағаны тұрақтандыру;


в) төлем балансын тұрақтаңдыру. Аралық мақсат:


а) ақша жиыны;


ә) пайыз мөлшерлемесі;


б) айырбас курсы.


Құралдары:


а)  несие берудің лимиті, пайыз мөлшерлемесін тікелей реттеу;


ә) міндетті резервтер нормасының өзгеруі;


б) есептеу мөлшерлемесінің өзгерісі;


в) ашық нарықтағы операциялар.


Тікелей (а) және жанама (ә,б,в) құралдарының арасында айырмашылықтар бар. Жанама құралдарды тиімді пайдалану ақша нарығының дамуымен тығыз байланысты. Нарықтық экономикада әсіресе алғашқы өзгерістер кезеңінде, тікелей және жанама құралдар пайдаланылады, соңғылары алғашқыларын ығыстырады.


Соңғы мақсаттар жалпы экономикалық саясаттың, сонымен қатар қазыналық, валюталық, сыртқы сауда, құрылымдық және басқа да саясаттарды ескере отырып, несие-ақша саясаты жоғарыда аталған саясаттардың бір бағыты ретінде қарастырылады.


Аралық мақсаттар нарықтық жағдайда тікелей орталық банктің жанама құралдары арқылы жүзеге асырылады.


Бұл мақсаттарға жетуде Ұлттық банк ақша-несие саясатын жүргізуде. Нысанаға алатын ақша базасы келесідей ақша-несие саясатының негізгі құралдарының көмегімен реттеледі:


— қайта қаржыландыру мөлшерлемесі: ресми мүдделендіру мөлшерлемесі деңгейін белгілеу;


—     ҚҰБ-те  (Қазақстан Ұлттық банкі) жинақталатын ең төменгі міндетті резервтер нормасын белгілеу, оның ішінде сырттан тартылған қаражаттарды мерзіміне, көлеміне және түрлеріне байланысты жіктеу;


—     мемлекеттің бағалы қағаздарын сатып алу және сату бойынша ақша нарығындағы операцияларды жүргізу;


—     банктерге және үкіметке несие беру;


—     валюталық нарықтағы басқыншылық;


—     кейбір   жағдайларда   несиелік   операциялардың жекелеген түрлерінің деңгейі мен көлеміне тікелей сандық шектеулер енгізу;


—     ресми есепке алу (дисконттық) мөлшерлемесі.


 


 


Ұлттық банктің негізгі міндеті — ұлттық валютаның ішкі  және  сыртқы  тұрлаулылығын  қамтамасыз  ету, сондықтан ол:


•  акша айналымы, несие, банктік есеп айырысу мен валюталық қатынастарды ұйымдастырады;


• ақша, несие және банк жүйелерінің тұрақты қызметін қамтамасыз етеді;


• несие берушілер мен салымшылардың, сондай-ақ шетел валютасын сатып алу-сату және айырбастау операцияларын     жүргізетін      банктік     және      басқа ұйымдардың мүддесін қорғау және олардың жұмысын бақылау сияқты мемлекеттің экономикалық саясатын жүргізеді.


Ұлттық банктің міндеті оның атқаратын қызметтері арқылы орындалады:


Біріншіден, Қазақстан Республикасында мемлекеттік ақша-несие саясатын жүргізу, яғни Ұлттық банк айналымдағы ақша массасының көлемін реттеумен және ресми проценттік мөлшердің деңгейін өзгертумен шұғылданады. Егер ақша-несиелік реттеу әдісімен инфляция деңгейін тежеу мүмкіндігі болмаған жағдайда Ұлттық банктің несие салымдарын шектеуге және банк операциялары бойынша проценттік мөлшерді өзгертуге құқығы бар. Сондай-ақ алты айға дейінгі мерзімге шығарылған бірінші кластық жай және айналмалы вексельдерді, чектерді сатып алып және қайта сатады.


Ұлттық банк өзінің бағалы қағаздарын шығарады, сонымен қатар мемлекеттік бағалы қағаздарды, облигацияларды, депозиттік сертификаттарды, дисконттық және өтеу мерзімі бір жылға дейінгі проценттік бағалы қағаздарды сатып алу және сатумен шұғылданады. Ұлттық банкте сақталатын міндетті резервтердің нормативін белгілеп, айналымда жүретін төлем құралдарының түрлерін анықтайды.


Екіншіден, Қазақстан Республикасында қолданылатын банкнота және монетаны (теңге мен тиынды) эмиссиялау. Ол үшін Ұлттық банк номиналдардың құрылымын, теңге мен тиындардың пішінін (дизайн), олардың қажет мөлшерін анықтап, дайындығын қамтамаыз етеді.


Ұлттық банктің қолма-қол ақша қаражатын шығаратын, теңге мен тиынның қолма-қол ақшасыз эквивалентін алып сату арқылы айналысқа түсіруді ұйымдастыратын айырықша құқығы бар. Сондай-ақ қолданылған ақша белгілерін айналымнан шығарып, оларды жаңасымен айырбастап, тозыл, жеткендерін жоюмен шұғылданады.


Үшіншіден, банктердің банкісі қызметін атқару, ол үшін Ұлттық банк республикадағы қайта қаржыландыру жүйесін ұйымдастырып, бірінші класты (жоғары өтімді қауіпсіз) бағалы қағаздармен және басқа активтермен қамтамасыз етілген несиені алты ай мерзімге береді. Ұлттық банк — екінші деңгейдегі банктер үшін соңғы сатыдағы несие беруші. Несиені ұлттық валютамен де, шетел валютасымен де, сондай-ақ қамтамасыз етілген, ия болмаса қамтамасыз етілмеген несиені Ұлттық. банктің басқармасы белгілеген тәртіппен және мерзімге береді. Қазақстан Республикасындағы есеп айырысу формалары мен тәртібін анықтап, қазақстандық теңгемен жүргізілетін банкаралық есептесуді өз уақытымен және тоқтаусыз жүруін қамтамасыз ететін төлем жүйесінің қызметін ұйымдастырады.


Төртіншіден, үкіметтің және мемлекеттік органдардың банкі және агенті қызметін атқару үшін кепілшісі үкімет болған республиканың ішкі және сыртқы қарызын өтеуге қатысады. Қаржы министрлігінің шоттары бойынша дебеттік қалдықты (сальдо) болдырмау үшін қажетті іс-шараларды қабылдайды. Қаржы министрлігімен келісілген шарт негізінде мемлекеттік бағалы қағаздарды орналастырып, олардың депозиторлық ісін жүзеге асырады.


Бесіншіден, банктердің ісін бақылау және қадағалау қызметі. Ол үшін Қазақстан территориясында, сондай-ақ одан шет жерлерде банктермен олардың филиалдарын ашуға рұқсат және банктік операциялар жүргізуге лицензия береді. Барлық банктер, банк емес қаржы мекемелері және олардың клиенттері міндетті түрде орындауы үшін банк ісі, есептеу, есептесу, валюта операцияларын жүргізу мәселелері бойынша нормативтік актілер шығарып, олардың орындалуын қадағалайды.


Алтыншыдан,  валюталық реттеу және валюталық бақылау қызметі. Оны атқару үшін Ұлттық банк шетел валютасының және шетел валютасындағы бағалы қағаздардың айналым аясын және тәртібін белгілеп, шетел валютасымен жүргізілетін операцияларға қажетті кезде, оның ішінде проценттік мөлшер деңгейіне шектеу қояды.


Резиденттер үшін шетел валютасын және шетел валютасындағы бағалы қағаздарды Қазақстанға аудару, әкелу, әкету және салып жіберу тәртібін белгілеп, сондай-ақ Қазақстан Республикасының резиденттерінің республикадан тыс шетел валютасында шот ашуының мақсатын, тәртібін және жағдайын анықтап, шот ашуға рұқсат береді.


Ұлттық валютаның шетел валютасымен салыстырып, курсын реттейді. Халықаралық есеп айырысуды ұйымдастырып, шетелдермен валюта-қаржылық және несие-есеп қатынастарын жетілдіреді. Шетелден алынған банктік несиенің есебін жүргізеді.


Жетіншіден, елдің алтын валюта қорларын баскару қызметі. Оны атқару үшін Ұлттық банк мемлекеттің алтын валюта қорларын қалыптастырып, олармен операция жүргізеді. Қазақстан Республикасы Президентінің «Бағалы металдарға және асыл тастарға байланысты қатынастарды мемлекеттік реттеу туралы» Заң күші бар Жарлығына сай бағалы металдардың алғашқы саудасына бірінші сатып алушы құқымен қатынасып, қазақстандық және басқа өндірушілерден (сатып алушылардан) Ұлттық банктің алтын валюта қорын толтыру үшін бағалы металдарды сатып алады. Оларды сақтауға қабылдап, одан әрі сақталуын қамтамасыз етіп, қажет жағдайда заңға сәйкес сатады.


Президенттің немесе үкіметтің тапсырмасы бойынша Ұлттық банктің қоймасында сақтау үшін үкіметтік (бюджеттік) резервке алынған құндылықтарды қабылдайды. Алтын және басқа да бағалы металл құймаларын, монеталарды өндеген және өңделмеген табиғи асыл тастарды ішкі жән сыртқы нарықта сатып алу және сату операцияларын жүргізеді.


Ұлттық банк өз шығындарын өз қаражатымен өтей оның өз қаражаты: жарғылық, резерв капиталынан, қайта бағалау      шоттары      және      арнайы      провизияларын  (резервтерінен) құрылады.


Ұлттық    банктің    жарғылық    капиталы   20    млн. теңгеден қалыптасады және оның міндеттемеленіп қамтамасыз етеді. Жарғылық капитал мемлекеттік бюджеттен бөлінген қаржыдан, мемлекет берген негізгі қордың құнынан және Ұлттық банктің алған пайдасынан құрылады.


Резерв капиталы  жарғылық капиталы мөлшерінен тұрады. Таза табысы есебінен толтырылып, жүргізілген операциялар бойынша шығындарды өтеуге жұмсалады.


Алтын валюта активтермен қайта бағалау шоты оларды қайта бағалаудан түскен іске асырылмаған табысты есепке алуға арналады. Бұл шоттың Ережесін Ұлттық банктің Басқармасы бекітеді. Алтын валюталық резерв теңгенің ішкі және сыртқы тұрлаулылығын қамтамасыз ету үшін құрылып және сол мақсаттарға жұмсалады. Алтын валюталық резерв төмендегі элементгерден құрылады:


•   алтыннан;


•   банкнота, монета туріндегі шетел валютасынан, шетелдердегі және республикадағы Ұлттық банктің шоттарындағы қаржылардың қалдықтарынан;


•    Ұлттық банкте сақтаулы валюталық құндылықтардан;


•   шетел үкіметтері немесе халықаралық қаржы мекемелері шығарып, кепілдік берген бағалы қағаздардан;


•       шетел валютасындағы жай және аударым вексельден;


•   өтімділігі    және    қауіпсіздігі    қамтамасыз    етілген жағдайдағы шетел валютасындағы басқа сыртқы активтерден құрылады.


Арнайы провизиялар (резервтер) Ұлттық банктің шығыстары есебінен күмәнді және үмітсіз талаптарынан оған қоса несиелерден, депозиттерден, бағалы қағаздардан есеп айырысу кезіндегі шығындардан, шоттардағы қалдықтардан және басқа активтерден, сондай-ақ жалпы провизиялардан құрылып, оған аяқталмаған құрылыс көлемі және Ұлттық банктің монетарлық емес талаптары және әлеуметтік сипаттағы төлемдер кіреді.


Ұлттық банктің каржылық жылдағы таза табысы оның — жүзінде алған кірістері мен осы жылғы шығын арасындағы айырмаға тең. Шығынға шығарылып тасталған күмәнді борыштар, активтердің, оның ішінде айналымға шығарылған банкноталар мен монеталардың амортизациясы (тозуы) қосылады. Табыс жоғарыда айтқанымыздай, жарғылық, резерв капиталын қалыптастыруға жұмсалып, қалған бөлігі келесі қаржы жылының республикалық бюджетіне жіберіледі.


Ұлттық банктің баскарушы органы болып басқарма және директорлар Кенесі (Директорат) саналады. Оның жоғары органы — Басқарма, ол 9 адамнан — тұрады. Оған Ұлттық банктің төрағасы, бес лауазымды адамы және Президенттен бір, Республика Үкіметінен екі өкіл кіреді. Президенттен, Республика Үкіметінен және Ұлттық банктен кірген басқарма мүшелерін тиісінше Президент, Үкімет және Ұлттық банктің төрағасы бекітеді және қызметтен босатады.


Ұлттық банктің төрағасын республика Президенті Парламентпен келісе отырып 6 жыл мерзімге тағайындайды. Егер төраға қызметтен кеткісі келсе 2 ай бұрын алдын ала Президентке арыз жазуға құқылы. Оны қызметтен Президент босатады. Төраға Ұлттық банктің қызметіне жауапты. Оның орынбасарларын төрағаның ұсынысымен Республика Президенті төрағаның бекітілген мерзіміне тәуелсіз 6 жыл мерзімге бекітеді. Төрағаның орынбасарларын қызметінен төрағаның ұсынысымен республика Президенті босатады. Сондай-ақ төрағаның орынбасарлары өз еркінше қызметінен кеткісі келсе, онда 2 ай бұрын төраға арқылы Президентке арыз береді.


Ұлттық банктің Басқармасының мәжілістері қажетті кезде, бірақ айына кемінде 1 рет өткізіліп, онда Ұлттық банктің, жоғарыда айтылған қызметтерін орындайды, ал Ұлттық банктің күнбе-күнгі қызметін басқаратын орган — Директорлар Кеңесі. Директорлар Кеңесі Президенттің «Қазақстан Республикасының Ұлттық банкі туралы» Заң күші бар Жарлығына сай Ұлттық банктің қарауындағы барлық мәселелер бойынша шешім қабылдайды.


Ұлттық банктің облыстық басқармалары өз қызметін Ұлттық банк белгілеген уәкілдік шегінде атқарып, оған есеп беруге міндетті.


  Қазақстан Республикасының Ұлттық банкі мемлекетін орталық банкі, банк жүйесінің жоғарғы деңгейі.


Қазақстан Республикасының Ұлттық банкісінің негізгі міндеті Республиканың ұлттық валютасының ішкі және сыртқы тұрақтылығын қамтамасыз етуге ықпал ету, банк кредитторлары мен салымшыларының мүдделерін қоғау болып табылады. Ұлттық банк сондай-ақ мемлекеттік бағалы қағаздар элитентті болып табылады, Қазақстан Республикасының ішкі және сыртқы қарыздарына қызымет корсетуге қатысады. Ұлттық банк шетел валютасымен сатып алу стау және ауыстыру операцияларын жүргізетін коммерциялық банктер мен ұйымдарының қызыметіне қадағалауды жүзеге асырады және банктер қызыметін реттейтін пруденциалды нормотивтер белгілейді, яғни Ұлттық банк ақша-кредит саласынан қызымет істеуіне толық жауапкершілік жүктейді және басқа елдерден орталық банктер және қаржы-кредит мекемелеріне қатысты Қазақстан Республикасы мүддесін жақтайды.


1996 жылы 9-шы ақпанда Қазақстан Республикасының Ұлттық банкі басқармасы мен Қазақстан Республикасы Ұлттық банкінің 1996 жылғы арналған ақша – кредит саясатынан негізгі бағыттары бекітілді. Бұл құжатта Ұлттық банктің жүргізіп отырған ақша-кредит саясатының нәтижелері қортындыланады және 1996 жылға негізгі бағыттары белгіленеді.


Қазақстанның Ұлттық банкісі Қазақстан Республика мүддесін орталық банктер және басқа елдердің банктеріне қатысты.


«Қазақстан Республикасы банк және банк қызыметі туралы» жарлықтарын басқа да республиканың заң актілерін жіне халықаралық шарт және  келісімдерін басшылыққа алады.


Қазақстан Республикасының Ұлттық банкі Қазақстан Республикасы заңдарын негізінде және оны орындауға өзінің құзыретіне жататын мәселелер бойынша барлық банктер Ұлттық банк берген лицензиялар негізінде банк операцияларының жеке түрлерін жүзеге асырушы ұйымдар және олардың клиенттері, ал сондай-ақ Қазақстан Республикасы теиториясындағы басөқа заңды және жеке тұлғалар орындауға міндетті нормативті құқық актілерін шығарады.


1990 жылы желтоқсанда Қазақ ССР жоғарғы кеңесі «Қазақ ССР-індегі банк және банк қызыметі туралы» заңы шықты. Осы заңның 1-ші бабына сәйкес Қазақ ССР мемлекеттік банк республика меншігінде болады және оның орталық банкісі болып табылады. Заңда Қазақ ССР – нің мемекеттік банкісімен кеңес сойиолистік республикалар одағы мемлекеттік банкісінің республика териториясында бірынғай ақша бірлігін пайдалану және бірінғай ақша саясатын жүргізу мәселелері барынша өзара қатынаста одақтық шартпен анықталады.


Қазақ ССР мемлекеттік  банк ісіне Қазақ ССР-інде ақша-кредиттік реттеу жүзеге асыруға құқық берілді; мемлекеттік бюджетің кассалық орындалуын  ұйымдастыру; салымдарды ұжымдық сақтандыу және Қазақ ССР ішкі және сыртқы басқару; Республика теритроиясында банк аралық есеб айырысу ұйымдастыру, республиканың барлық банктеріне міндетті оның құзыретіне кіретін мәселелер бойынша нормотивті актілер шығару.


Қазақ ССР жоғарғы кеңесінің 1991 жылғы 20 маусымындағы қаулысымен бекітілген Қазақ ССР Ұлттық мемлекеттік банкісінің жарғысы оның негізгі міндеттерімен қызыметтерін анықтады. Жарғы мен Жарғылық, резервтік және валюталық қорлар, ал сонымен қатар негізгі қорлар, өндірістік және әлеуметтік даму, еңбекті төлеу қорларын құру қарастырылды.  Халықаралық банктерде және өзге қаржы –кредит ұйымдарында қолдайды.


Қазақстанның Ұлттық банкі өз міндеттерін орындауда  пайда алу мақсатын жетекшілікке алмауы тиіс.


Соңғы 4 жылда біздің елімізде банк жүйесі өте тез дамыды. Олар тез пайда болды. Енді бұл қарқын елеулі төмендеді және статистикада банктерді тарату бөлімі орын ала бастады. Банк ісінде екі тенденция айқын байқалды.





Написать комментарий
Имя:*
E-Mail:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Введите код: *


Бұл сайтта Қазақстанның түкпір-түкпірінен жиналған қазақ тіліндегі рефераттар мен курстық және дипломдық жұмыстар ұсынылған. Қазіргі таңда www.topreferat.com.kz сайтының қазақ тіліндегі жұмыстар базасы бүкіл интернеттегі ең үлкен база болып табылады! Біздің базадағы жұмыстар саны 15000-нан асады. Біз бұл жетістікпен тоқтап қалмаймыз! Біз базамызды одан әрі толықтырамыз.
» » Қазақстан Республикасындағы банк жүйесінің құрылымы және даму бағыттары

© 2011-2016 Скачать бесплатно на topreferat.com.kz курсовые, дипломные и рефераты на телефон, на планшет и на компьютер.
При копировании материала активная ссылка на источник обязательна.


Мнение посетителей:
 

После 9 класса Вы:

Пойду в 10, 11, закончу школу полностью
Пойду в Колледж
Пойду в ПТУ
Пойду работать
Снова пойду в 9 класс

 
 
Похожие:
  • Мемлекеттің ақша-несие саясатының дамуы
  • Мемлекеттің монетарлы саясатының түрлері, құрылымы және мақсаттары
  • Қазақстан Республикасындағы Ұлттық банк жүйесін дамыту мәселелері
  • Қазақстан Республикасының Ұлттық банкі
  • Қазақстан Республикасының Ұлттық Банкі туралы ақпарат
  • Банк қызметін реттеу
  • Ұлттық Банк - Қазақстан Республикасының орталық банк (1 - бөлім)
  • Қазақстан Республикасының несие жүйесі, және оның қалыптасуы мен дамуы (1 - ...
  • Ұлттық банкі қаржы нарығын реттейтін орган ретінде курстық жұмыс
  • Ұлттық Банктің мақсаттары қызметі курстық жұмыс
  • ҚР Ұлттық банкінің қаржы жүйесіндегі ролі курстық жұмыс
  • Ақша несие саясаты курстық жұмыс
  • Қазақстан Републикасының Ұлттық банк - қаржы нарығын реттеуші орган реферат
  • Ұлттық Банктің Ақша-кредит саясаты реферат
  • Ұлттық банк реферат
  • Қазақстан Республикасының Ұлттық Банкі реферат
  • Банктердің мәні және қызметі реферат
  • Банктер жүйесі реферат
  • Банк жүйесінің ролі реферат
  • Ақша-несие саясаты реферат